لە یادەوەری كۆمەڵكوژی ئەنفالدا سبەینێ‌ لە گەرمیان‌و هەلەبجە كوشتارناكرێت‌و گۆشتیش نافرۆشرێ‌

ئەمساڵ وەك نەریتێكی نوێ‌ بۆ یادكردنەوەی ئەنفال لە زۆربەی ناوچەكانی كوردستان  سبەینێ‌ هیچ ئاژەل‌وپەلەوەرێك سەرنابردرێت‌و گۆشت خواردن لە خۆیان خەرام دەكەن.
هەروەك پێشتریش ناحێی بالیسان‌و گوندەكانی دەوروبەری‌و گوندی كلێسەی سەربەناحێی كۆیە‌و گوندی گۆپتەپەی قەلاسێوكەو گوندی ئۆمەربل رایانگەیاندبوو  كە پابەند دەبن بەو بیرۆكەیەوە، ئەمرۆ لە پەیوەندیەكی تەلە فۆنیدا قایمقایمی قەزای كەلارو هەلەبجە‌و كفری  بە ساڵنامەی ئەنفالستانیان راگەیاند لەگەڵ قەساب‌و چێشتخانەكاندا بۆ ئەو مەبەستە كۆبوونەتەوەو بە زۆرینەی دەنگ‌و بە شێوەیەكی ئارەزومەندانە خاوەن دوكان‌و چێشتخانەكان پێشوازیان لەو بیرۆكەیە كردووەو بە پێشنیارەكەی ئەنفالستان رازی بوون‌و بریاریانداوە سبەینێ‌ هیچ ئاژەلێك سەرنەبرن‌و گۆشت نەفرۆشن.
هەروەها قایمقایمی قەزای چوارتاش رایگەیاند كە ئیمە پێشتریش هەوڵمان بۆداوەو ئەمرۆش جەخت دەكەینەوە ئەو پیرۆكەیە جێبەجێبكەین چونكە بە ئەركێكی ئەخلاقی‌و نیشتمانی دەزانین.
شایانی باسە خەڵكێكی زۆر بۆ رێزگرتن لە قوربانیانی ئەنفال بریاریانداوە كە لەو رۆژەدا گۆشت نەخۆن‌و هیچ زیندەوەرێك سەرنەبرن، بە پێی زانیاریەكانی ساڵنامەی ئەنفالستان دەیان خانەوادەو سەدان كەس بەو بیرۆكەیەوە پابەندن‌و زۆركەسیش پەیوەندیان پێوەكردوون، كە سەیرانی رۆژی پێنج شەممەیان هەڵوەشاندووەتەوە كە پێشتر بریاریان لێدابوو.