ئهزموون ….. بورهان ئهحمهد
بۆكهڵهكێوی ومامزهكان
بهكارتۆن گۆشتی قووتوكراو
دهگهیهنێته ئهو كێوانه
لهوێوه بهباوش گیاو پونكه
دههێنێتهوه بۆ سهگه بهرهڵاكانی شار
ئهوهی ناوناوه ئهزموون
ناوی ناوه ئاڵووگۆر
ناوی ناوه بازرگانی
ناوی ناوه دهسكهوت
ناوی ناوه قازانج
ناوی ناوه پاشهكهوت
× × ×
ئهوهی لهسییهكانمهوه هاته دهرێ
لهكۆڵانی قوڕگدا
نیازی گهڕانهوهی ههبوو
ئهوهی له گهروو دهربازبوو
زمان دهیكرده خاڵی پشكنین
فهزای دهرهوهی دهم ڕاوی دهنا
ئهوانهی له دهرهوهی مندان
دهگهڕێنهوه ناو من
ئهوانهی لهناوهوهی مندان
دهبنه هی تۆ
ئهوانهی له نێوان ههردوكماندایه
دهبنه هی ئهوان
× × ×
دیواری ژوورهكهم
بهوێنهی كێ بڕازێنمهوه ؟
وێنهیهكی رهنگاورهنگی خۆم
یاخوود هی باوكم
یان باوكی باوكم
یان دهستگیرانه تازهكهم
یاخوود به تابلۆی منداڵێكی ئهنفالكراو
كه ههمیشه لهگهڵما دهدوێ
مانای سهفهرم بۆشیتهڵ دهكاتهوهو
دهمبا بۆ ئهوێ
× × ×
لهباخچهكهمدا
چی پهروهرده بكهم؟
گوڵێكی بێ بۆن
یان بولبولێكی ڵاڵ
یاخوود كوونهپهپوویهك
كهههمیشه كهلاوهم بیربخاتهوه
× × ×
چۆن چۆنی بیگۆرمهوه
گهنم به ههتاو
یاخوود ههتاو به گهنم
ئهرێ كامیان چاكتره؟….؟
بهری ڕهزهكهم
بكهم بهشهراب
یاخوود به مێوژ
بورهان ئهحمهد
Burhanahmad57yahoo.com
