Skip to Content

Thursday, August 11th, 2022

مرۆڤ به‌له‌دایك بوونی ئه‌كه‌وێته‌ به‌رده‌ستی ئه‌وانی تر

Closed
by May 30, 2011 ئەدەب

  
      

له‌نێوان مانگ وئه‌م دره‌ختانه‌دادێم وئه‌چم
ئه‌مڕۆله‌ژێرتیشكی تواناكانی كه‌سێكدابیرئه‌كه‌مه‌وه‌
دوێنێش كه‌له‌دایك بووم ئه‌بووكه‌سێك بكێشێ‌ به‌پشتمدا
ناوكم ببڕێ‌ ناوچه‌وانم بپێچێت            
من ناڵێم مرڤ به‌سرووشت ئازاده‌        
به‌ڵكومرۆڤ به‌له‌دایك بوونی ئه‌كه‌وێته‌به‌رده‌ستی ئه‌وانی تر

من كوردم له‌ڕۆژێكی ته‌م تومانداله‌دایك بووم
ناوچه‌كه‌مان ئه‌كه‌وێته‌ ده‌ره‌وه‌ی شار
دایكم وباوكم خه‌ڵكی یه‌ك گووندن پێشیان وایه‌ سه‌گ گڵاوه‌ .
كه‌روێشك شووممه‌.كۆترڕاگرتنی باش نییه‌
بۆمنیش ناگونجێ‌ بیرله‌كونده‌په‌پوونه‌كه‌مه‌وه‌ قڕژاڵ نه‌هێنمه‌ماڵه‌كه‌م

هه‌ستێكی وام نییه‌له‌گه‌ڵ هه‌ڵدانی كۆللاره‌یه‌كداچووبێتمه‌ئاسمان
به‌بیرم نایه‌ت له‌وێنه‌یه‌كداوورچێكی په‌ڕۆم كردبێته‌باوه‌ش
ماشێنێكی باغه‌له‌ده‌سته‌كانمدائاره‌قه‌ی كردبێت
ئاخ مناڵیان له‌باربردم
هه‌ربه‌ته‌نهائه‌وخواردنانه‌نا.كه‌گه‌وره‌كان ئاماده‌یان ئه‌كرد
به‌ڵكوئه‌و وانانه‌ش كه‌له‌قوتابخانه‌به‌عه‌قڵییه‌تێكی گه‌وره‌ترئه‌وترانه‌وه‌

هه‌مووبه‌یانییه‌ك ئاشنائه‌بم به‌دێوانه‌یی
سه‌رده‌كێشم به‌ودیواره‌بێده‌نگانه‌داكه‌چاونایان بینێت
چاوانم ئه‌بڕمه‌شتێك كه‌ئاسمان له‌بیری كردووه‌
ڕۆژی له‌دایك بوونم ئێره‌یه‌.هیچ شتێكی گرنگیشم نییه‌ یادی بكه‌م
به‌بیرم نایه‌ت له‌گه‌ڵ دره‌ختێكانوستبم.پێشم وانییه‌میلله‌ت كوڕی من نه‌بێت

ڕۆژانه‌چه‌ندسه‌عاتێك كتێبی (با)ئه‌خوێنمه‌وه‌
چه‌ندسه‌عاتێك گوێ‌ له‌ده‌نگی باران ئه‌گرم
چه‌ندسه‌عاتێك خۆم به‌سه‌یركردنی هه‌وره‌وه‌ئه‌خافڵێنم
هه‌فتانه‌خۆم ڕادێنم له‌سه‌رهاتنی پایز.له‌سه‌ردۆزینه‌وه‌ی لمی سور
مژده‌بۆئه‌وانه‌ی هاواره‌كانم نابیستن بێده‌نگیم كتێبێكی نوێ‌ یه‌

خۆم نیشانی شاره‌جوڵاوه‌كانی (با)ئه‌ده‌م
به‌ڕووتی ئه‌چمه‌سه‌رشه‌پۆله‌كانی باران
له‌سه‌ركێڵگه‌نیشتووه‌كانی شارئه‌دوێم.ژووره‌كه‌م پڕئه‌كه‌م له‌كۆتر
په‌یوه‌ندی له‌گه‌ڵ ژنێكدائه‌گرم.له‌گه‌ڵ دنیائاشت ئه‌بمه‌وه‌
دره‌ختێك ئه‌ڕوێنم .كاتژمێره‌كه‌م ئه‌كه‌مه‌وه‌ده‌ستم.
پاره‌كانم ئه‌نێرمه‌بانكێك

په‌نجه‌ره‌كان ووتراوێكن له‌ده‌می شاره‌كانه‌وه‌دێته‌گوێم
من ئه‌م شارانه‌به‌ڕووداوه‌كانیاندائه‌ناسمه‌وه‌
گه‌ڵایه‌ك وه‌ریوه‌ته‌دڵمه‌وه‌.له‌پێكردنی پێڵاوه‌كانم ده‌نگێك دروست ئه‌كات
له‌ژووری نوستنه‌كه‌مداسۆزانییه‌ك بێداره‌
وه‌ك هه‌میشه‌ له‌ماڵه‌كه‌مداجێگایه‌ك هه‌یه‌بۆبه‌رماڵه‌كه‌ی دایكم

مانگ شه‌وێكی هه‌یه‌بۆئه‌وه‌ی بمان باته‌وه‌سه‌رخۆی
.دره‌خت شوێنێكی هه‌یه‌بۆئه‌وه‌ی لێ یه‌وه‌سه‌یرمان بكات
ئه‌م كه‌شتیه‌دوورانه‌چ ماڵێكی دره‌وشاوه‌ن
نا
زه‌مینی من له‌ت بووه‌.هه‌فته‌یه‌ك به‌باڵه‌شكاوه‌كانییه‌وه‌له‌سینه‌مدایه‌
دواهه‌مین هاواری من فه‌رامۆشییه‌.ئه‌وه‌ی له‌مرۆڤ جێده‌مێنێ‌ وێنه‌یه‌كی جووڵاوه‌
ئاساییه‌
سێبه‌ری شارێك بێت به‌سه‌رمدا.بۆنی خواردنێكی ڕۆژئاوایی ڕاكێشم بكات
ئاساییه‌
پیاوێك لووله‌ی تفه‌نگه‌كه‌ی بكاته‌من.ژنێك گوڵێكم بۆبێنێت
بۆمن هه‌ستێكی سه‌یرنییه‌!
من هه‌م كه‌واتامن به‌رشته‌كان ئه‌كه‌وم

ئه‌مڕۆ
له‌وێستگه‌یه‌كی كۆنینه‌وه‌كه‌شتییه‌ك به‌ره‌وبۆشایی ئاسمان به‌ڕێكرا
باری زه‌وی جێگیره‌
وه‌ك ڕۆژانی ئاسای ئه‌بێت كاتژمێر(8) له‌سه‌ركاربم
گوڵه‌كان له‌كاتی خۆیدائاوبده‌م
بۆمن له‌هه‌ركوێ‌ بم ئاسمان هه‌رناوی ئاسمانه‌
كه‌واتاهێشتانه‌م توانیوه‌كرم له‌واده‌ی خۆی دوابخه‌م 

پشتیوان علی
p_ali84@yahoo.com

ئه‌م ده‌قه‌ له‌ژماره‌دووی كۆنسێپت بلاوبۆته‌وه‌…


Previous
Next