ئاو لەسەر بەفری نوسی … حەمەشوان شەریف

Closed

byحەمەشوان June 1, 2011 ئەدەب

ئاو وتی /
مرۆڤەکانی ئەم چەرخە
یەک ئێوارە
دڵیان بڕی خۆشەویستی ئەکات،
مرۆڤەکانی ئەم چەرخە
بەیەک ئێوارە
گیرفانەکانیان پڕ پڕ
ئەبێ لە مەراق ،
چاویان بەدیار خۆیانەوە
غرۆلئەبێتەوە و
لەتاو پەشیمانی
بەگریانەوە هەڵئەوەرێ ،
مرۆڤەکانی ئەم چەرخە
سەریان لەبەرد ،
دڵیان لە پەشمەک چنراوە،
   ئاو   وتی /
تازە ئەی مرۆڤ
دەرگا بەڕوتا کڵۆم دراوە
بە لەخۆ باییەوە بۆ ناو ژیان هاتی و
بەمشتێ تاوانەوە
لە ناو گوماندا گەوزای /
هاتی و
بەدەستەکانی خۆت
کلیلیی ژیانت
فڕێدایە ژێر باڵی لمی نەووسنەوە ،
مرۆڤ !
پەشیمانی بەپێوە زۆر وەستا بۆ لێبوردن
کەچی تۆ
چەقۆت خستەسەر ملی هۆشیاری و
مەوجی ئایندەت گۆڕی
بۆ کوژانەوە ،
تازە بەسەر چوو ،
مرداربویەوە چاوەڕوانی ،
ئاو /
بەدەم شەپۆلێدانەوە
گرێکانی لەسەرپشتی
خۆی کردەوە و ووتی /
سێبەشم لە   زەویدا
چواربەشم بۆ ژیان
تۆ بینە   / کەچی مرۆڤ
یەک بەشی هەیە بۆ وشکایی
چۆن پڕی کردوە لە   تاوان .
……………………………………….
ئاگر وتی /
لەبیرمە ،
لقێکی درەختێک بووم
بۆ هەناسە
بەسەر شانی کانیەکەوە شۆڕبوبومەوە
بۆ ناو ژیان
مرۆڤێک هات
بڕیمیەوە
هەموو لەشمی کرد بەسووتان
لەو ڕۆژەوە لە هەموتان
یاخی بووم و
ناوتان لێناوم   هەتاو
ئەمێستا منی هەتاو
ئاگرم و
ئەوەیش ئینسان ،
ئاگر وتی /
بەئاوم وتبوو
پێناسەیەکی مرۆڤ بنوسێ
لەسەر بەفر
ئاو / دوای عەیامێک بیرکردنەوە
لەسەر سنگی بەفر
بەڕەنگی سوور نوسیبووی
درۆ …تاوان … ڕق …