ئیتر به‌س …. به‌ندی عه‌لی
Closed
.. به‌هاری 2011
پڕین له‌شه‌ربه‌تی روحی
هه‌ناره هه‌ڵوه‌ریوه‌کانی خۆنه‌ویستیی
ئه‌وانه‌ی باڕه‌شی فیتنه‌ی
گیانبازی بۆ شه‌ره‌فی باخ
له‌باسکی ئارامی داری دایکی کردن
ده‌سا ئه‌ی به‌ختی پاییزان
با سه‌مای بێ زه‌قی وه‌رین .. ئیتر به‌س بێ
هه‌گبه‌ی سه‌فه‌رمان سیخناخه
به‌ئێسک و پروسکی خێڵی یاران
ڕێی مه‌رامیش هه‌ر بیابانێکی ڕوته
ده‌هرێکه تۆوی مێخه‌کی عیشق ئه‌چێنن
ده‌هرێکه پێده‌شتی ژیان
به‌عه‌تری چۆڕاو له‌دڕکی خه‌م ئاو ئه‌ده‌ین
ده‌سا ئه‌ی ڕمی بێ هه‌ستی ده‌ستی قه‌ده‌ر
با پێکانی هه‌مان برین .. ئیتر به‌س بێ
دڵمان چه‌ند پاساریه‌کی پیری باڵکراون
ویستی خۆیان نیه ، یاران
له‌بێ میهریی بازه‌کانی نیشتمانه
له‌نێو قه‌فه‌زی سینه‌دا هه‌ڵکوڕماون
ده‌سا ئه‌ی ده‌هری بێ مروه‌ت
با حوکمی زیندانی نیگا .. ئیتر به‌س بێ
