Skip to Content

Thursday, August 18th, 2022

تاكه‌ی وابم ؟ ….. ته‌یب جه‌بار

Closed
by August 23, 2011 ئەدەب

 

 

 

 

تاكه‌ی وا بم ؟

تاكه‌ی من كرێچی (با) بم ؟!

نه‌ گۆرانی باران ده‌زانم ،

نه‌ مۆسیقای گمه‌ ،

نه‌مامی راز و نیازم ..

ئاو ده‌دات .

نه‌ رێگا ده‌ده‌م ،

كه‌س شیرازه‌ی رێگایه‌كم ..

بۆ رێك بخات .

تاكه‌ی وابم ؟

تاكه‌ی من پاسه‌وانی ( كا ) بم ؟!

سه‌رشانی هه‌ر په‌ڵه‌ هه‌ورێك ..

ده‌ته‌كێنم ،

له‌ باتی پووله‌كه‌ی تریفه‌ و ..

مووی گزنگ ،

وشكه‌ گه‌ڵای سێبه‌ر و ..

ته‌پوتۆزی ململانێ ،

دێته‌ خوارێ .

چنگ له‌ هه‌ر گڤه‌یه‌ك گیرده‌كه‌م ،

پۆل پۆل .. مه‌لی ئاسوده‌یی ،

 په‌پوله‌ی رۆشنایی ..

ده‌تارێ .

تاكه‌یوابم ؟

تاكه‌ی مامه‌خه‌مه‌ی بیروڕا بم ؟!

نه‌متوانی هۆرمۆنی ..

نه‌مری په‌یدابكه‌م .

ساڵ دێت و ده‌ڕوا ،

نه‌متوانی هه‌وێنی ..

هیچ وه‌رزێك پاشه‌كه‌وت بكه‌م .

نازانم ده‌رمانێك ،

بۆ چاره‌سه‌ری په‌ككه‌وتن..

بگرمه‌وه‌.

نازانم شیعرێك  ،

بۆ هونه‌ری كینه‌ و خۆشی ..

بهۆنمه‌وه‌ .

تاكه‌ی وابم ؟ 

تاكه‌ی مه‌رگه‌وه‌ڕی زگوزا بم ؟!

نیسانی/2011

 

 

له‌ ژماره‌ (2)ی گۆڤاری ( نوسه‌ر)دا بڵاوبۆته‌وه‌ .

 

Previous
Next