Skip to Content

Tuesday, March 5th, 2024
لەودیو سادەییەوە … بەرهەم خالید

لەودیو سادەییەوە … بەرهەم خالید

Closed
by March 10, 2012 هۆنراوە

      (١)
دەگەڕێمەوە بۆ پایز
بۆلای سادەیی
بۆ لای تۆ و بۆلای مناڵی
بۆلای دڵی پر عیشقی خودایی

      (٢)
لەودیو سادەییەوە وەستاوم
چاوەڕێی تۆ دەکەم
هەر لەودیو سادەییەوە
ماڵێکت بۆ دروست دەکەم

      (٣)
لەسەردەمی ئاڵۆزیدا
توند باوەشم بەسادەییدا کردووە

       (٤)
تۆ بە وشەکانت
دڵی من ئاو بدە
گوڵەکان خۆیان دەگەشێنەوە

          (٥)
هەموو ڕۆژێ چایی تاڵ
بە وشە شیرینەکانتەوە دەخۆمەوە
       (٦)
کە سەیری ئاسمان دەکەم
دڵی تۆم بیر دەکەوێتەوە
       (٧)
لەوەتەی تۆم ناسیوە
تەنیایم بۆ ناخرێتە ڕستەوە

       (٨)
پلەی خۆشەویستی لە ژورەکەمان
سەد پلەی سەدییە

      (٩)
پاسپۆرتم بۆچییە
کە کلیلی دڵی تۆم پێ بێ

       (١٠)
ئەمڕۆ ئاهەنگمان گیڕا
خۆشەویستیمان لەئەبەدییەت مارەکرد

Previous
Next
This site is registered on wpml.org as a development site.