Skip to Content

Sunday, April 21st, 2024
سێ شیعری  ئیلهام ئیسلامی

سێ شیعری ئیلهام ئیسلامی

Closed
by March 28, 2012 ئەدەب

 

1
سه‌رباز!
هاوسه‌ره‌كه‌م مه‌كوژه‌
ئه‌و شاعیره‌، دنیا له‌ شیعر خاڵی مه‌كه‌ره‌وه‌

سه‌رباز!
مناڵه‌كه‌م مه‌كوژه‌
مناڵان مه‌رگ به‌ دڵته‌زێن ده‌زانن

ئێمه‌ خوازیاری شه‌ڕ نه‌بووین
ئێمه‌ په‌شیمان بووین له‌ بێده‌نگی.

2
وڵاته‌كه‌ی له‌ ده‌ستدا
له‌ گه‌رمه‌ی شه‌ڕدا عه‌شقه‌كه‌ی ون كرد

ئێستا سه‌ربازه‌كه‌ په‌شیمانه‌
كه‌ رۆژانی سه‌ردان
كه‌سێك نایه‌ته‌ دیداری.

3
ئه‌و رۆژه‌ له‌ كوێی ماڵه‌كه‌دا دانیشتبووم
كه‌ ده‌متوانی ئه‌و هه‌موو شیعره‌ بنووسم؟
كام گڵۆپ داگیرسابوو؟
ده‌مه‌وێ ئه‌وه‌نده‌ شیعر بنووسم
كه‌ ئه‌گه‌ر سبه‌ی مردم
نه‌توانی نكۆڵیم لێبكه‌ی
ده‌مه‌وێ شیعره‌كه‌م وه‌ك قاوه‌قاوێك له‌ شاردا ده‌نگ بداته‌وه‌ و
ژنان
له‌گه‌ڵ هه‌ر وتنه‌وه‌یه‌كیدا شتێكی بخه‌نه‌ سه‌ر.

سه‌رچاوه‌:
   http://www.persiran.se/index.php/farsiscience/more/1722/
 
له‌ فارسییه‌وه‌ جه‌بار سابیر

Previous
Next
This site is registered on wpml.org as a development site.