Skip to Content

Thursday, March 28th, 2024
سنەوبەرە قژ نارنجیەکان بە قسە دێن

سنەوبەرە قژ نارنجیەکان بە قسە دێن

Closed
by July 6, 2012 ئەدەب

 

 

-١-

ژنیکم دی

بە دەستی ڕاهیبەیی

مردووەکانی ئەشقی

زیندوو ئەکردەوە

-٢-

بە ژنێکم وت

وەک تۆ

شەڕی تەمەنم بۆ ناکرێت

کاتژمێر چەندە

لای کاتژمێر …؟

-٣-

حەز ئەکەم شیعرێکی پیر

بەدیار سیمای ژنێکی گەنج

بخوێنمەوە

تا خۆر سەیری

ڕۆژ ژمێری تەمەنی کا

-٤-

ژنێکی هەست پرتەقاڵی

لەسەر سنگی مانگ

ئەخەوێ

تا هەموو سپێدەیەک بانگی ئەشق بدا

-٥-

مانگ و خۆر بەیەکەوە دانیشتوون و

دەریایان لە من زەوت کردووە

بە ژنێکم وت

گەر کارت پاسەوانی کردنە لە زەوی

ئەم غەدرە قبوڵ مەکە

-٦-

ژنێک

گۆرانیەک بۆ گوڵێک ئەڵێ

گوڵێک ئۆرکسترای

بۆ ساز ئەکا

-٧-

ئەمەوێ ئاوازێکی

پیر بۆ

باڵای ژنێکی گەنج

بژەنم

تا کەمێک سەما بکا

-٨-

ژنێک

بە ئاسمانی وت

ئەمەوێ گیرفانەکانت

بگەڕێم

بۆ دۆزینەوەی مانگ

-٩-

سەدو یەک ساڵە

قەسیدەیەک بۆ باڵای ژنێک ئەنوسم

هێشتا نەگەیشتومەتە نیوەی

-١٠-

سبەی ژنێکی

ڕەنگ پەمەیی

خەڵاتی نۆبڵی ئەشق وەرئەگرێ

 

“” هاوڕێ ڕەش “”

 

Previous
Next
This site is registered on wpml.org as a development site.