Skip to Content

Thursday, March 28th, 2024
شیعرێکی ڕوتوقوت …. به‌ندی عه‌لی

شیعرێکی ڕوتوقوت …. به‌ندی عه‌لی

Closed
by July 12, 2012 هۆنراوە

 

 

 

 

به‌مه‌رگیشم

قوتار نابم له‌ده‌ستی

ناوه‌که‌م

 

له‌گۆڕیشدا

دێ و ده‌خه‌وێ له‌ته‌کما

ته‌نیایی

 

خۆزگه به‌ده‌ستی ئه‌و

ده‌کوژرام

عیشق

 

ئه‌و پرسیاره‌ی

له‌تاقیکردنه‌وه‌ی مه‌حشه‌را

ته‌رکی ده‌که‌م

ژیان چیه‌

 

خه‌وێکی شاعیرانه‌یه‌و

نایه‌ته‌ دێ

دڵنیایی

 

وه‌ک مه‌نجه‌ڵی هه‌ڵم په‌سته‌

ئه‌مڕۆ .. دڵم

 

 

هه‌زارو یه‌ک ده‌ست ده‌کات و

که‌سیش پێی ناڵێ سۆزانی

پاره

 

هه‌ر له‌ته‌والێته‌کانا

بۆنی ده‌که‌ین

عه‌تری ئازادی

 

قوڕی ده‌ستکرده‌و به‌ته‌نیا

شازاده‌کان بۆیان هه‌یه‌

گه‌مه‌ی پێکه‌ن

دیمۆکراسی

 

بخرێته‌ سه‌ر تای ته‌رازوو

کێشێ ئه‌وه‌نده‌ی پوشێکه‌

یه‌کسانی

 

به‌زمان ئه‌درێ و

به‌ده‌ست ئه‌دزرێ

مافی مرۆڤ

 

هه‌ر ئاوا ئه‌بێ و

هه‌رگیز هه‌ڵنایه‌ت

خۆری ئاشتی

 

هێنده‌ له‌شێرپه‌نجه‌ ده‌چێت

ده‌ڵێی برا دوانه‌ی یه‌کن

گه‌نده‌ڵی

 


به‌ندی عه‌لی
 .. 2012

 

 

Previous
Next
This site is registered on wpml.org as a development site.