Skip to Content

Tuesday, July 23rd, 2024
بۆ خاوەنشکۆ سەرۆکی هەرێم  ….  پیرۆزبایی نامە

بۆ خاوەنشکۆ سەرۆکی هەرێم …. پیرۆزبایی نامە

Closed
by July 12, 2012 هۆنراوە

 

 

 

بۆ پێشەوە پێشمان کەوە بەرزانی

ئێمە مێگەلین تۆ شوانی *

گیڤارا و ئەسکەندەرمانی

 خۆت یاسا دارێژەرمانی

مۆنتیسکۆو ئەفلاتونمانی

تۆ ژێرخان و سەرخانمانی

تۆ ڕەمزی مان و نەمانی  !

بۆ پێشەوە پێشمان کەوە بەرزانی

 

تۆ نەبی کێ شوانایەتی مێگەل بکا ؟

تۆ نەبی کێ حوکومەت بۆ عێراق دروست بکا ؟

کێ مالیکی ڕیسوا بکا ؟

بۆ پێشەوە پێشمان کەوە بەرزانی

 

لەسایەی سەری ئێوەیە ئێمە ئۆکسجین هەلئەمژین

گەر  قودرەتی ئێوە نەبێ  بەچی بژین

خۆ بەیانییەک هەڵنەسن هەموو دەمرین !

بۆ پێشەوە پێشمان کەوە بەرزانی

 

 تۆمان هەبێ باکمان بە دەوڵەتیش نییە

تۆ خۆت یاسای، خۆت دەوڵەتی، دەوڵەت چییە !

هەر تۆ ساغ بیت  لە هیچ شتێکمان کەم نییە !

بۆ پێشەوە پێشمان کەوە بەرزانی

 

کورسی هەر موڵکی خۆتانە و ئێمە بەردەست

میللەت هەموو خزمەتکارەو ئێوە سەردەست

ئێمە هەر چەپڵە لێ ئەدەین بۆ یەک مەبەست !

بۆ پێشەوە پێشمان کەوە بەرزانی

 

لەسایەی سەری ئێوەدا ئێمە هەموو شادو مەسرور

کورسییەکەی پەرلەمانیش بدە بە جەنەڕاڵ مەنسور

هەتا خاوەنی ئێوە بین  بۆچیمانە یاساو دەستوور !

بۆ پێشەوە پێشمان کەوە بەرزانی

 

هەرچی کورسی وڵات هەیە بەناوی خۆتانی بکەن

هەتا تۆوی نەوەیەکتان لێرە مابێ حوکم بکەن

ئێوە ئایندەی وڵاتن نەکەن پشت لەکورسی بکەن !

بۆ پێشەوە پێشمان کەوە بەرزانی

……………………………………………………….

*  ئەم نیوەدێڕە وەرگیراوە لە حمەسعید حسن

ئەم کۆپلەیە (بۆ پێشەوە پێشمان کەوە بەرزانی) هی هەژار موکریانییە 

تێبینی / ئەم شیعرە بە بۆنەی وەرگرتنی پۆستی ئەنجومەنی ئاسایشی هەرێم لەلایەن بنەماڵەی بەرزانییەوە، نوسیومە، کە تەواوی پۆسەتەکانی وڵات لەلایەن ئەم خێزانەوە دەستی بەسەردا گیرا

بەرهەم خالید

 

Previous
Next
This site is registered on wpml.org as a development site.