مههدی زریان و زهنگی ویژدان
چاوهڕوانبووی
گهر لهسهفهر گهڕامهوه
لهگهڵ خۆمدا جیهانێكت بۆ بهێنم
پڕبێ له گوڵهگهنم وهاژهی رووباره یاخیهكان
پڕبێ لهبزهی ههتاوو تیشكی مانگ و ئهستێرهكان
شاعیر لهسهر رێگای گهڕانهوهی لهسهفهرێكی پهیامهێنهردا،بهڵێنه جیهانێك لهگهڵ خۆیدا بۆ هاوخهمهكهی بهێنێت .پڕبێت لهخێرو خۆشی وبهرهكهت،گوڵ بدات لهبهرۆكی ئاسمان،لرفهی بێت لهدهنگی تاڤگه،شهپۆلی رووبارو دهریاكان.خهندهش بێت بۆ لێوی گزنگ ،تریفهی مانگ وئهستێرهكان.دهیهوێت لهنیشتمانێكی بهندكراوو كۆت لهگهردنا كهباڵی پهپوولهی تێدا بهتاریكی شهو بهستراوهتهوه،باڵندهكان لهلانهی خۆیان دهركراون ،لهزهمهنێكا زهبروزهنگ زاری دهربڕینه ،زهرنهقووتهكانی تێدا مل ههڵدهكێشن ،خهون تێیدا یاساغه ،چارهنووسهكان لهكێرد دهدرێن.بهباوهشێك بههای جوان،شیرازهی كهسكهوه بگهڕێتهوه كۆشی دڵدارهكهی پڕ لهنوور بكات .
ئهمه سهردهمی بهردینه
چۆن مناڵانمان فێربكهین
شووشهی پهنجهره نهشكێنن
ئهمه سهردهمی چهقۆیه
چۆن مناڵانمان فێربكهین
سهری بێچووه كهناریهكان نهقرتێنن
كۆمهڵێك پێرۆزی جێهێشتووه لهپێناویان جهنگاوه ، لهسهفهرێكی عهشقا سهری ناوهتهوه ،ههڵدێرهكان ههنگاوهكانی بهخوێن نوسیوه،جهردهكانی رێگا ویستوویانه ..لهبهها ئینسانییهكان دایانماڵن،لهسایهی دارێكا چاوی كردووهنهوه باوكسالاری تێیدا باڵادهسته،بهقۆزاخهی تاوان پێچراوهتهوه،بهزهبری بێدادی ناوكیان بڕیوه،لهدهلاقهی خوێنا ئا سۆی بینیوه،بهرواری ژیانی لهسهر گهڵای داره نهفرهتییهكان تۆماركراوه.
ئهمه وهرزی لهدایكبوونی ئیبلیسه
له باڵه ئاورێشمیهكانی فریشتهوه
خوێن دهبارێ
تهماشاكه ههر لهودیوی ماڵتانهوه
چۆن شاژنی شارهكهت بهردباران دهكهن
چۆن شهرم بووهته فواره
بهسهر نووكی پێڵاوهكانی مێژوودا ،دێتهخوارێ
دهیهوێت به گژ لێشاوهكانا بچێت ،دهستی چارهنووس ههڵبڕێ،پهنجهی رێكهوته نالهبارهكان ببڕێتهوه ،راسته لهزهمهنێكا دهژین،پهڕی ههڵۆمان پۆشیوه،داڵاشی سهر جهسته رزیوهكانین ،ئهوهی لهنیگایا روانگهی پهری دهخوێندرێتهوه،ناخی پێمهردهیهو لهنێو خهونه سوورهكا ندا گیانمان دهكێشێ .
گهر دهفتهری چاوی گهشی ئهو مناڵانه ببینی
كههێشتا لهدایك نهبوون .
كتێبی مێژووه كۆنهكان بسووتێنه
تۆزی دهستی پاسهوانانی دۆزهخی لێنیشتووه
دهفتهری رۆژ ژمێرهكان بدهره دهم رهشهباوه
خوێنی هیوای منداڵیمانی رشتووه
با ئهو لهته ئاوێنانه كۆكهینهوه
كهروخساری شكاومانی ههڵگرتووه
لهرۆژانێك بێزاره خۆزگهی پرشنگداری نه هێناوهته كایهوه،لهشوێنهوارێك رهنجاوه بهری رهنجمانی تێدا دزراوه،بهگژ مێژوویهكدا دهچێت،بهرواری بوونمانی كردووه بهبهڵاو كهسهرێك وهكوو شێرپهنجه لهناخمان نابێتهوه ،بۆیه سكاڵاو رێنماییهكانی لهتوێی شیعرێكی قشتا دهكاته پهیامێك لهسهر خوانی دڵخوازهكهیدا دایدهنێت ، تێیدهگهیهنێت بۆ ئهوهی خواستهكانمان چرۆ بگرن ، ساوای دڵنییایی و سهربهرزی لهدایكبێت پێویسته بڕوا بهبیره گهندهڵهكانی مێژینه نهكات ،پهڕتووكی مێژووه درۆو ئهفسانهكان بدڕێنێ،نیگای ئهو جهللادانه كوێركاتهوه ،دهمێكه خوێنی خۆمان ،زارۆكهكانمانی بهناڕهوا رشتووه،شاعیر داوا دهكات تێڕوانینمان بۆدونیای میهرو بهزهیی چڕكهینهوه،شتهكان بهجوانی و راستی ببین،
جارێكیتر نههێڵین دهستی بهدفهڕ فریومان بدات ،دیلانی بهروارێكی نوێ سازبدهین،بۆ ئهوهی گهڵای خۆزگهمان بێته بهر ئهو خواستانهمان بێتهدی .سهردهمێكه خوازیاری درهوشانهوهیان بووین ،پێویسته وهكوو هاوتهبایی خۆر،مانگ ، ئهستێرهكان ههنگاومان رێكبخهینهوهو ههموومان تیشك ،رووناكی بهیهكتری بگهیهنین،لهپێناوی یهك ههڵوێستدا مشووری ههنگاوهكانمان بخۆین
تۆ پێم بڵێ
ئهم شاره چۆن لهژێر باڵی حیكمهتدا لهدایك ئهبێ
ئهگهر خوێنی شارستانیهتی كیشوهرێك
بهشمشێری خورافاتدا تك ..تك..بتكێ
شاعیر كۆمهڵێك وێنهی شیعریی و ئیحای جوان و مانابهخش دهكات بهكلدانی وشهكانی ،بهبیری نوێ و هزری پێشكهوتووانه دیدهی رستهكانی رشتووه ،وهستایانه مامهڵه لهگهڵ وشهو رهمزی دڵگیردا دهكات،بڕوای بهجادووگهری چارهنووسه دهستكردهكان نییه ،مرۆڤ بهههڵوێست و ههوڵدان دهنرخێنێ ئهوهمان بۆ رووندهكاتهوه((ههر كهسێك تۆوێك نهچێنێ ..لاپهڕهی بێگهردی گوڵێك ناهێنێ)).
ستار ئهحمهد عهبدولڕهحمان