وێنە مەیدانی یەکانی عەشق …کەژال عەلی

خۆی وتی ناخەوم

پەنجەرەکەشم داناخەم

پێش کوژاندنەوەی تاریکی

بەر لە دادانەوەی زەمەن

دوو دل مەبە 

نارنجۆکی جەستە مەرجانی یەکەت

فرێ دە تەلبەندی ژوورەکەم ..

با سەرم پر بێ لە پرشنگی حەرام

دلم لە قرمژنی تاوان

پیاوەتیم بە رەنگی پەپوولە رەنگاورەنگ

ئەو وتی

بەر لەدابەستنی 

یەکەمین روکعەتی عەشق

لەگەل داکردنی 

دەسرێژی یەکەمی باران

وێرانم کە رووح

شەهید بە خۆت

پیرۆز بە ئایەتەکانی خوا

سەعات سفرە

جورئەتم لەهۆش خۆی چووە

خەیالم لە باوەشتدا ،،

خالیم لە خۆم

سەرم لە هەوای سەرکەوتن

دەستەکانم لە نارنجۆک

ترەقەکەم بترازێنە

درەنگە بۆ تەقینەوە

بۆ تۆماری

سەرمەدی یەکانی سەرکەوتن

کەژال عەلی