Skip to Content

Wednesday, July 24th, 2024
خەیالێکی تەنیا … سیروان خۆشناو

خەیالێکی تەنیا … سیروان خۆشناو

Closed
by December 13, 2012 ئەدەب

 

 

1

تا ئەوپەڕی خەیاڵ رابمێنم ، تەواوی دەنگ و رەنگ سڕم دەکەن 

وەک ئەوەی وەرزێک لە مندا هەبێت ، 

پڕ بە ئامێزی سیحری ئەو گەلایانەی لە بالای 

دارهەنارێک خلۆردەبنەوە ، 

نوقوم بووم بە درێژایی شەو 

هەمیشە 

دیواری ژوورەکەم رەشتر ، غەمگینتر 

وێنەکەی تۆش 

چەشنی چراییەک داگیراساوە 

 

 

قەلەباڵغیم سوتانی بێ دەنگییە

بێ دەنگی هەلفرینێکی بەرزە

چ باڵ لێکدانێکی سەیرە

من لێرەم ،لەوێ ئەتۆ سەمفۆنیاییەک بژەنە

ئەمنیش وێنەی ناوت دەکێشم

بێ دەنگ بێ رەنگ ،لەو کەنارە لەنگەر دەگرم

ساچمەی نیوە شەوێک

چ خۆشییەک ئەبینم

تەقینەوەی بێ دەنگیت

 

3

کێ یەکتری خۆشدەوێ ؟ پێڵاوەکانی تەنیایی نەبێت

دوای ژەنینی هەر خەمێک

بە کەمانێکی ژاکاو ،

دەفتەری حەرفەکانمان تارمایی هەڵنیشتنەوە

لە خۆی دەگرێت

کە یەکترمان خۆشویست

ئەبین بە خۆڵە مێش

لەسەر دیواران نیگاری یەکتر دەکێشین

 

 

سیروان خۆشناو 

شەقلاوە

Previous
Next
This site is registered on wpml.org as a development site.