وردە خەیاڵ ، ئەمپێچێتەوە … سیروان خۆشناو

 

 

1

 

دوای ژەنینی هەر خەمێک

بە کەمانێکی ژاکاو ،

دەفتەری حەرفەکانمان تارمایی هەڵنیشتنەوە

لە خۆی دەگرێت

کە یەکترمان خۆشویست

ئەبین بە خۆڵە مێش

لەسەر دیواران نیگاری یەکتر دەکێشین

 

2

 

بەرێ کەوتم ، هەڵدەلەرزیم لەژێر ئاسمان 

کە چاوان دادەخەم هێمن هێمن 

خۆم و وێنەکەت لە یەک دەچین . چەندە پڕ . چەند بەتاڵ !!

لەسەر پشتی شەوێکی تەڕ

سروودی حەزەکان کۆدەکەمەوە 

تا ئەوپەڕی شەقامەکانی خەیاڵ رۆیشتم 

حەز دەکەم بتبینم ….!!!

 

3

 

له‌ به‌ندیخانه‌ی خه‌یالێکدام 

هه‌ناسه‌ی په‌یکه‌رێک 

هاواری فه‌نابوونی په‌رداخێک 

له‌ ناو دڵی ئاو

شکانی سێبه‌ری میهره‌بانی و

سه‌مفۆنیای که‌مانێکی 

قیناوی ده‌چرپێنێت 

چه‌نده‌ سه‌یره‌ !!!

غه‌ریبستانی ئاو

ماچێکی چاوکزی 

سه‌ر لاپه‌ڕه‌کانی کتێبێکی قومار باز و

دڵی په‌یکه‌رێکی تێکشکاو

 

4

پیرت چوو ، پەنجەکانم رابهێنین 

تا شمشاڵی دواین خۆزگە بژەنین 

بۆ هەڵدانەوەی پەڕە دێژەکانی شەوێک 

بەسەر ستونی زەردەخەنەی نێوانمدا 

چراییەک بەند بکەین 

 

ئامێزی چ سیحرێکە 

وردە وردە دڵۆپە رژاوەکانی مەستبوونم 

دەخاتە سەما !!

بیرم چوو کاتێک بەسەر باڵای مندا هەڵدەواسرێی 

دواین شەونمە گوڵرەنگیەکانی نیگات 

بکەم بە تابڵۆ لەسەر دیواری دڵم

 

سیروان خۆشناو 

شەقلاوە