Skip to Content

Tuesday, July 23rd, 2024
ڤالانتاین … شەماڵ عادل سەلیم

ڤالانتاین … شەماڵ عادل سەلیم

Closed
by February 14, 2013 ئەدەب

 

 

 

هەناسەکەم ، لەبری گوڵێک ، دڵی خۆمم پێشکەش کردی

سەر شێتانە لەئامێزی خۆمم گرتی

لەنێو پایتەختی عیشقم، تاجی شاهانەم لەسەرکردی

کراسێکی بەنەرگز چنراوم لەبەرکردی …

بەماچ دەمخەواندی

هەربەماچ بێدارم دەکردی ….

تۆی کیژی ئاسمان و

منیش شەماڵێکی بەخەمەکانت مەست ….

سەرشێتانە لە نێو بەهەشتی باوەشتا بەڵێوەکانم لیمۆکانتم تێر تێر دەگووشی …

هەتا بڵێی لەسەرخۆ…..

لەکانی لێوی هەنگویناویت دەمخواردەوە و لە ئامێزت  دەتوامەوە …..

لەناکاودا شوشەی دڵمت شکاندوو

ماچەکانمت لە سینەتدا ناشت و

بەڕووتی هەڵسایەوە…..!!

ئەی بارانە ژن …

واهاتووم جارێکی تر قەدەری خۆمم کردۆتە گوڵێک و

لە ڤاڵانتاین

پێشکەشتی کەم …..

تۆ ئازادی

بەباوەشتا دەینووسێنی یان  وەک جاران هەڵیدەوەرێنی     ….

 

 

١٤ شوبات

رۆژی خۆشەویستی

 

 

Previous
Next
This site is registered on wpml.org as a development site.