کەرکوك….فەتاح حەسەن

تۆ، ئاتەشگەدەی، زەردەشتی

( موغ )‌* ە کانت، پێشمەرگەن و

لە ئاشتیدا

بەرگیان سپییە وەك بەفر،

پشتێن، لە رێحانە دەبەستن.

گەر، بێتو، تەپڵی جەنگ لێدرێ !

بێباکانە

ئاوێزان، بە مەرگ دەبن.

کەرکوك

تۆ، زامێکی گەلێك سەختی

ئەڵماس

بە سەختیت ڕا ناگا.

دڵنیابە، ئەو دەمانەی

شۆڤێنیستان

قینی رەشیان، لە هەمبەرت

پیادە دەکەن.

راوی، سێبەری، مەرگ دەکەن.

موغ. پیاوی ئایینی زەردەشتیین، ئاگری ( ئاتەشگەدە، ئاگردان ) ی پەرستگاکەیان دەکەنەوە.