كرێكار … رۆسته‌م خامۆش

ئه‌ی كرێكاری ماندووی ڕێگه‌ی ژین 

جه‌سته‌ شه‌كه‌ت بووی پڕئێش و برین

به‌یانی له‌گه‌ڵ خۆری هه‌ڵاتوو

ماڵ به‌جێدێڵی له‌بۆ كارت زوو

رۆژ له‌ باوه‌شی تیشكی خۆره‌ تاو

شه‌و له‌ كاولاشت نامۆ ڕاكشاو

رۆژ و شه‌و هه‌رده‌م دڵ نیگه‌رانی

جه‌سته‌ت پڕ ئازار هاوده‌می ژانی 

تۆ ئه‌ی كرێكار ئه‌ی خاوه‌ن بڕوا

ده‌روون خۆڕاگر گیانت پڕهیوا

بۆبه‌رزی ژین و بۆ جوانی ته‌مه‌ن

به‌مه‌ردی ئه‌ژی تۆ له‌ گشت زه‌مه‌ن

هۆنراوه‌ی  رۆسته‌م خامۆش