Skip to Content

Friday, March 29th, 2024
سیناریۆی  ( كارگوزار ) …. دانا محمد عبدلله‌

سیناریۆی ( كارگوزار ) …. دانا محمد عبدلله‌

Closed
by June 22, 2013 شانۆ

 

 

 

 

دیمه‌نی 1

دوكان . ناوه‌وه‌ .  رۆژ

(چه‌ندین جۆری فستق و چه‌ره‌س و خواردن پیشان ئه‌درێت كه‌به‌شێوه‌یه‌كی رێك و پێك دانراون ،  دوو كچ به‌ستایلێكی تازه‌ و سه‌رده‌مییانه‌ به‌ده‌م پێكه‌نینه‌وه‌ خه‌ریكی كرینی خواردنن  )

پارك . ناوه‌وه‌ . رۆژ

(پاركێكی جوان پیشان ئه‌درێت كه‌چه‌ندین دارو و نافوره‌ی تێدایه‌ له‌گه‌ڵ چه‌ندین جۆری گوڵ و چیمه‌نێكی زۆر )

(دوو كارگوزاری بیانی خه‌ریكی پاككردنه‌وه‌ی پاركه‌كه‌ن )

كارگوزاری 1 ( خه‌ریكی چاككردنی دارێكی شكاوه‌)

 كارگوزاری 2 ( خه‌ریكی پاككردنه‌وه‌ی زه‌رف و كاخه‌ز و پاشماوه‌ی فرێدراوه‌ كه‌ كه‌وتوه‌ته‌ سه‌ر شه‌قامی پاركه‌كه‌ )

(دوو كچه‌كان به‌ ته‌نیشت كارگوزاره‌كاندا ده‌رۆن خواردن ده‌خۆن و پاشماوه‌كه‌ی فڕێ ده‌ده‌ن )

(كارگوزاره‌كان سه‌یری یه‌ك ده‌كه‌ن و پێیان ناخۆش ده‌بیت كه‌ پاشماوه‌كانیان به‌وشێوه‌ فرێ ده‌ده‌نه‌ سه‌رشه‌قامه‌كه‌ )  

كارگوزاری 2 ( ده‌بینێت ئه‌و زه‌وییه‌ی ئه‌و پاكی ده‌كاته‌وه‌ كچه‌كان به‌ توێكڵی خواردن و فستق پیسی ده‌كه‌ن ئه‌مه‌ توشی سه‌رسورمانی ده‌كات )

(بزه‌ پیكه‌نینێك ده‌كات بۆ كرێكاره‌كه‌ی هاوڕێی )

( توێكڵی فستقێك ده‌كه‌وێته‌ به‌رده‌می هه‌ڵی ده‌گرێت , هه‌ڵده‌ستێت دانه‌یه‌كی تریش هه‌ڵ ده‌گرێت و ده‌كه‌وێته‌ دوای كچه‌كان ) 

 كچه‌كان ( به‌ناو پاركه‌كه‌دا پیاسه‌ده‌كه‌ن و فستق ده‌خۆن وه‌ توێكڵه‌كه‌ی فرێ ده‌ده‌ن وه‌ پێده‌كه‌نن و سه‌یری  پاركه‌كه‌دا ده‌كه‌ن و ده‌چنه‌ چه‌ند شوێنێكی خۆش چێژ له‌ جوانی پاركه‌كه‌ ده‌بینن به‌ڵام به‌رده‌وام توێكڵی چه‌ره‌س فرێ ئه‌ده‌نه‌ ناو پاركه‌كه‌ ، كارگوزاره‌ بیانیه‌كه‌ش به‌رده‌وام به‌دوایانه‌وه‌یه‌ خه‌ریكی خواردن و هه‌ڵگرتنی توێكڵی جه‌ره‌سی فریداراوه‌كانیانه‌ و كۆیان ده‌كاته‌وه‌ و ده‌یانخاته‌ گیرفانی به‌بێ ئه‌وه‌ی كچه‌كان ئاگایان لێبیت )   

كچه‌كان  (ده‌چنه‌ له‌سه‌ركورسیه‌ك داده‌نیشن )

كارگوزاری 2 ( ده‌چێت بۆلای كچه‌كان و له‌به‌رده‌میاندا راده‌وه‌ستێت سه‌یری كچه‌كان ده‌كات )

كچه‌كان(به‌رده‌وام خه‌ریكی خواردنی چه‌ره‌سن به‌لام دواتر كارگوزاره‌كه‌  ده‌بینن له‌پێشیان وه‌ستاوه‌ سه‌یریان ده‌كات ، كچێكیان ده‌ست ده‌بات بۆ جانتاكه‌ی و پاره‌ ده‌ردێنێت بۆ كرێكاره‌ بیانیه‌كه‌  )

كارگوزاری 2 (بزه‌ پێكه‌نینێك ده‌كات و تویكڵی چه‌ره‌سه‌كان و پاشماوه‌ی خواردنه‌كانیان له‌ گیرفانی ده‌ردێنێت و ده‌یانخاته‌ سه‌ر مێزی كچه‌كان )

كچه‌كان( په‌شیمان ده‌بنه‌وه‌ سه‌یری یه‌كتر ده‌كه‌ن )

كارگوزاری 2 ( به‌رده‌وام گیرفانی پاك ده‌كاته‌وه‌ له‌پاشماوه‌كانیان و پێئه‌كه‌نێت  )

كۆتای

 

نوسینی: دانا محمد عبدلله‌

danamahamad@yahoo.com

……………………………………………………………………………………………………………………………..

ئه‌م سیناریویه‌ پێشكه‌شه‌ به‌ هه‌موو ئه‌و كارگوزاره‌ بیانیانه‌ی كه‌ رۆژانه‌ خه‌ریكی پاككردنه‌وه‌ی ئه‌م وڵاته‌ن .

 

Previous
Next
This site is registered on wpml.org as a development site.