Skip to Content

Monday, April 15th, 2024
بۆ به‌ڕێز شكۆفه‌ی شه‌ونمی به‌یانیه‌ك

بۆ به‌ڕێز شكۆفه‌ی شه‌ونمی به‌یانیه‌ك

Closed

 

 

 

 

 

1

 

له‌به‌رده‌م كاروانی وێنه‌ی

 گه‌ڵا زه‌رده‌كانی رۆحمدا

بروسكه‌ی وه‌رزی ساڵانه‌ی

خه‌وێكی قووڵی

شه‌وه‌زه‌نگی  سپی مناڵی لێم ده‌دا،

 مێخه‌كی ملوانكه‌ی سه‌رسنگم

 یادگاری خه‌یاڵه‌و

وه‌ك ده‌نكه‌ هه‌نار  هه‌ڵده‌وه‌رێ

 

2

 

نامۆیی كازیوه‌ی

گوڵێكی ره‌نگاو ره‌نگه‌و

وه‌رزێكی پڕ له‌كرێوه‌ی به‌فره‌و

چاوه‌كانم له‌بارانی مه‌ستی و

پرشنگی خونچه‌ی

شكۆفه‌ی شه‌ونمی به‌یانیه‌كه‌ 

گۆرانی شه‌ڵاڵی سه‌فه‌ری شه‌وی كزه‌بایه‌و 

سه‌فه‌ری ته‌مه‌نیش گوڵێكی 

سه‌رگه‌ردانه‌

 

3

هه‌ژاری به‌رده‌وام

رێژنه‌ی سه‌مفۆنیای كانیاوێكی به‌خوڕه‌و

ته‌نهایی كه‌مانی دڵی خۆی ده‌نوسێته‌وه‌

هه‌ڵوه‌رینی تریفه‌ی

ورشه‌ی گه‌ڵاكان ده‌بینێت

پیاوێكه‌ خوره‌ی روبارێكی مه‌نگه‌و

 كه‌وتۆته‌ بێ هیوای ژیانه‌وه‌

 

 4

هه‌ژاری خۆشه‌ویستی

دیمه‌نی كۆڵانه‌كانی دڵی

خستۆته‌ ده‌سڕه‌كه‌ی به‌رده‌می

چاوه‌ڕێی به‌زه‌یی گوناهی

خۆی ده‌كات

ویژدانیش ئاسمانێكه‌

وه‌كوو ژنێك

 قژی خۆی ده‌ڕنێت و

به‌رهه‌می دره‌ختی خۆی

 ده‌خوات 

 

5

 

ئه‌م جاره‌ش نمه‌ی غه‌ریبی

سه‌فه‌ری بارێژه‌ی گریانم

گۆمی  مه‌نگێكی لێڵه‌و

ته‌مێكی ساردو سڕه‌

ئه‌وه‌نده‌ی شكۆفه‌ی خه‌ونی كازیوه‌ی بینیوه‌

چوومه‌ته‌ مێرگی  ئاسۆیه‌كی ته‌ڵخه‌وه‌

 

6

 

 نیشتمانی په‌لكه‌زێڕینه‌ 

كوا خه‌ونی شعری داهاتووی ژنێتیم

هه‌رشمشێره‌ شه‌ڕده‌كاو

روباری ئازادیه‌

جه‌سته‌ی من ووشك ده‌كا

 

7

 

شعر تارای مه‌مكێكی جوانه‌ 

ده‌بێته‌ به‌رسلیه‌ی به‌فرو

گوناهه‌كانی ده‌سڕێته‌وه‌ 

ماته‌مێكه‌  بۆزستانی خه‌مو

ده‌ستی تۆش فرمێسكی ئازارم

 

ده‌سڕێ

نایه‌ڵێ به‌خوێنی جه‌سته‌م  سوربێ

 

8

گه‌رشه‌پۆله‌كانی  ده‌ریا

ده‌نگی ئازادیم نه‌مرێنێ

له‌لوتكه‌ی سپی شعرێكا

خوێنی لاوانی نیشتمانه‌كه‌م

ده‌رژێ به‌سه‌ر لاپه‌ره‌ی رێگای خه‌باتا

ئه‌وسا گوڵه‌كانی باخی دڵی تۆ

سوور سور ئه‌چنه‌وه‌ له‌ناو ئاواتا

 

9

 

من شه‌وی ته‌نهایی

خه‌مه‌كانم  راده‌ژه‌نێ

چه‌پكێك نێرگز

له‌پرشنگی هه‌تاو

گوڵێكی نوێم بۆده‌چنێ

له‌نێو تاڤگه‌ی یادگاره‌كانی

بێ هیوای گوڵی ووشه‌

ده‌بێت به‌قژی به‌هارو

هه‌ڵبه‌ستێ

 

 

Previous
Next
This site is registered on wpml.org as a development site.