Skip to Content

Friday, March 29th, 2024
سیناریۆی (دووا وێنە) …. نووسینی: دانا محەمەد عەبدوڵڵا

سیناریۆی (دووا وێنە) …. نووسینی: دانا محەمەد عەبدوڵڵا

Closed
by September 13, 2013 شانۆ

 

 

 

 

دیمه‌نی 1

ده‌ره‌وه‌ ،  رۆژ ،  شه‌قام

پاسێكی كۆنی شینی كاڵ به‌ ناو شه‌قامێكدا رێ ده‌كات ، ده‌نگی ده‌رگا و په‌نجه‌ره‌كانی دێت به‌هۆی كۆنی و نارێكی  پاسه‌كه‌وه‌ ، ده‌كۆژێته‌وه‌ و شوفێره‌كه‌ی هه‌ڵی ده‌كاته‌وه‌ ده‌ست به‌ رۆشتن ده‌كات، ماڵه‌كانی ته‌نیشت شه‌قامه‌كه‌ كه‌سیان به‌ده‌ره‌وه‌ نین له‌ شارێكی چۆڵ ده‌چێت .

ناوه‌وه‌ ، رۆژ ، پاس

شۆفێری پاسه‌كه‌ پیاوێكی قه‌ڵه‌وه‌ ته‌مه‌نی نزیكه‌ی 50 ساڵه‌ قه‌میسێكی سپی له‌به‌ردایه‌ به‌هۆی پیسی و عاره‌قه‌وه‌ قه‌میسه‌كه‌ی ره‌نگی خۆڵه‌مێشی گرتووه‌ ، ده‌ست ده‌بات پارچه‌یه‌كی په‌رۆ هه‌ڵده‌گرێت و عاره‌قی ده‌موو چاو و ملی ده‌سرێت.

شۆفێر

( له‌ئاوێنه‌كه‌وه‌ سه‌یری پیره‌ ژنه‌كه‌ ده‌كات ) گۆێبگره‌ لێم من سه‌رم له‌وه‌ سوور ده‌مێنیت كه‌ سه‌یری ئه‌م هه‌ساره‌ گه‌وره‌یه‌ ده‌كه‌م ئێمه‌ بۆ كه‌وتووینه‌ته‌ ئێره‌وه‌ بۆ لێره‌ بژین ( به‌رده‌وام به‌په‌رۆكه‌ عاره‌قی گیانی پاك ده‌كاته‌وه‌ به‌ ناو شه‌قامه‌ چۆله‌كه‌ دا ده‌روات)

( پیره‌ژنه‌كه‌ له‌ كورسی ته‌نیشت ده‌رگاكه‌ دانیشتووه‌ جلیكی ره‌شی له‌به‌ردایه‌ و چرچی ده‌مووچاوی ئه‌وه‌ ده‌رده‌خه‌ن كه‌ ته‌منێكی زۆری هه‌یه‌ به‌لام به‌هێز و گۆر دیاره‌ )

پیره‌ژن

 (به‌ده‌نگێكی لێخن )  ئی به‌ڵی ..

 

شۆفێر

تۆ سه‌یری ئه‌م هه‌موو ده‌ریا و زه‌ریایه‌ بكه‌ به‌و هه‌موو گه‌وره‌ییه‌وه‌ سه‌یری ئه‌و باخ و كێڵگه‌ پر به‌رهه‌مانه‌ بكه‌ پره‌ له‌ سێوی نه‌بینرا و پره‌ له‌خونچه‌ پره‌ له‌باڵنده‌ و كۆتر ، ئاخر من تێناگه‌م ئێمه‌ بۆلێره‌ین بۆله‌م جه‌هه‌نمه‌ ئه‌ژین بۆ كه‌وتینه‌ ئێره‌وه‌

پیره‌ژن

( به‌ده‌نگێكی كزه‌ ) ئا به‌ڵی ، تۆ من ئه‌ناسیت

شۆفێر

(گۆێی پێنادات ) من تێناگه‌م لێره‌ ئه‌م خۆڵ و تۆزه‌ چیه‌ ، ئێمه‌ نه‌مانگه‌ شه‌وێك ئه‌بینین نه‌ئه‌ستیره‌یه‌ك نه‌بایه‌كی فێنك نه‌بارانێك هه‌یه‌ لێره‌ ، ( ئاور له‌ پیره‌ ژنه‌كه‌ ئه‌داته‌وه‌ به‌ده‌ست ئاماژه‌ی بۆده‌كات ) ئه‌زانی ئێره‌ له‌ چی ئه‌چێت له‌ زیندانێك ئه‌چێت به‌ڵام پاسه‌وانی لێ نه‌بێت

پیره‌ژن

تۆ ئه‌زانی من بۆ چی لێره‌م ، ئه‌مه‌وێت بم ناسیت  ، یه‌ك بناسین

شۆفێر

( وه‌ك ئه‌وه‌ی گۆێی لێنه‌ بوو بێت ) گۆێ بگره‌ با بێت بڵیم ئێره‌ ته‌نانه‌ت شه‌ویشی شه‌و نیه‌ ، شه‌وی ئێره‌ ته‌نها خۆیه‌تی له‌تاریكی خۆی زیاتر هپجی تری تێدانیه‌ ، من به‌ به‌رداوام به‌ ناو ئه‌م شاره‌ دا ئه‌سورێمه‌وه‌ ته‌ماشای ئه‌م ماڵانه‌ ده‌كه‌م

پیره‌ژن

( به‌ده‌نگی به‌رز و لێخنه‌وه‌) ئه‌مه‌وێت بم ناسیت له‌گه‌ڵ تۆمه‌ .

شۆفێر

( گۆی به‌ پیره‌ ژنه‌كه‌ نادات ) و له‌ دڵ خۆیه‌ وه‌ ده‌ڵێت تۆ سه‌یری كه‌ ده‌یه‌ویت من بناست به‌لێ من ، ئه‌ی پیری ناشرین ، تۆش یه‌كێكی له‌شته‌ پیسه‌كانی ئه‌م شاره‌ و له‌هه‌موو شته‌كانی تر زۆرترن ( بزه‌ پیكه‌نینیك ئه‌كات )

پیره‌ژن

( وه‌ك ئه‌وه‌ی تێی گه‌شتبیت) من رزگارت ئه‌كه‌م له‌ هه‌موو شتێك ئێره‌ت بیر ئه‌چێته‌وه‌ ، ئه‌م شاره‌ ئه‌بێته‌ خه‌وێك

شۆفێره‌

تۆخۆت رزگار بكه‌ نه‌ك من

( كچیكی ته‌مه‌ 13 سالان له‌سه‌ر شه‌قامه‌كه‌ ده‌ست بۆ پاسه‌كه‌ راده‌گرێت و پاسه‌كه‌ راده‌وه‌ستێت و كچه‌كه‌ سه‌ر ده‌كه‌وێت و له‌كۆتای كورسی پاسه‌كه‌ داده‌نیشێت)

پیره‌ ژن

نا نا ، تۆ رزكار ده‌كه‌م له‌م شاره‌ و له‌پاسه‌كه‌ت

شۆفێر

 من قه‌ت رزگارم نابێت ( ئاورده‌داته‌وه‌ و سه‌یری پیره‌ ژنه‌كه‌ده‌كات ) چه‌ند ساڵه‌ لێره‌م شاره‌زای ته‌واوی ئه‌م شاره‌م ، له‌ په‌نجه‌ره‌ و ده‌رگاكانه‌وه‌ سه‌یریان ده‌كه‌م ده‌نگی ته‌قه‌ هه‌ر ته‌واو نابێت ، له‌رادیۆكه‌مه‌وه‌ گۆێم له‌ گووله‌كانی جه‌نگ ده‌بێت لێره‌ به‌خۆین و زام راهاتووم .

كچ

( سه‌یری شۆفیره‌كه‌ ده‌كات زۆری بێ سه‌یر ده‌بیت له‌ دڵ خۆیه‌وه‌ ) ئه‌مه‌ بۆ وا ده‌كات ..

شۆفێر

ده‌زانم ژیان له‌م  شاره‌ شه‌رێكی گه‌وره‌یه‌ .

پیره‌ ژن

( به‌ده‌نگی كز و لێخنه‌وه‌ )  نا نا ته‌واو ده‌بێت .

شۆفێر

( سوكانه‌كه‌ی بۆلای چه‌پ ده‌سورێنێت و چه‌ند دوكانێك ده‌رده‌كه‌ون)  نا ته‌واو نابین من و ئه‌م  شاره‌ و جوڵه‌ی ئه‌م پاسه‌ له‌مێژه‌ به‌رده‌وامین و ته‌واو نه‌بووینه‌

كج

(زۆری پێ سه‌یر ده‌بێت به‌ده‌نگی به‌رز و پێكه‌نینه‌وه‌) مامه‌ ئه‌وه‌ له‌گه‌ڵ كی قسه‌ ده‌كه‌یت.

شۆفێر

بۆچی ! نایبینی له‌گه‌ڵ كێ قسه‌ ئه‌كه‌م ؟

كچ

( پێئه‌كه‌نێت ) چی ببینم ،نازانم له‌خۆته‌وه‌ قسه‌ ئه‌كه‌یت . ( له‌دلی خۆیه‌وه‌ ،  ئه‌م گه‌رمایه‌ شێتی كردووه‌ )

پیره‌ژن

نا نام بینێت  كه‌س نامبینێت جگه‌ له‌ تۆ ! من ته‌نها بۆلای تۆ هاتووم بۆ ئه‌وه‌ی ته‌واو بیت ته‌واو ،  من میوانه‌ ناوه‌خته‌كه‌ی تۆم

شۆفێر

( به‌ترسێكه‌وه‌ )  ئاوریك له‌  پیره‌ژنه‌كه‌ ده‌داته‌وه‌ و  ئه‌بینیت ناشرینترین بزه‌ پێكه‌نین له‌سه‌ر لێویتی ،  سه‌یرێكی پێشه‌وه‌ی پاسه‌كه‌ ده‌كات و به‌رده‌وام ده‌بێت له‌ رۆیشتن)

كچ

قیژه‌یه‌ك ده‌كات ( پاسه‌كه‌ له‌ رێگای خۆی ده‌رده‌چێت و ده‌نگی پیكدادانێكی گه‌وره‌ دێت و ته‌پو تۆزێكی زۆردێته‌ ناو پاسه‌كه‌وه‌ و ده‌نگێك به‌رز ده‌بێته‌وه‌ و پاسه‌كه‌ وه‌رده‌گه‌رێت ، كچه‌كه‌ له‌ ناو ئه‌و دووكه‌ڵ و تۆزه‌دا هیچ نابینیت و له‌سه‌رخۆ تاریك ده‌بێت 

كۆتای

نوسینی: دانا محمد عبدلله‌

danamahamad@yahoo.com

Previous
Next
This site is registered on wpml.org as a development site.