Skip to Content

Monday, April 15th, 2024

سەیر دەبوو ینک هاوپەیمانە ستراتیژییەکەی لەم خەوە شیرنەی بە خەونیکی وا هەڵبزڕکاو وەئاگا هینابایەوە!

Closed
by September 29, 2013 گشتی

 

 

 

ئەگەر چی ینک هەر لەگەڵ لە دایک بوون و چاوهەڵینانی، وەک پەرچەکرداری ئاشبەتاڵ و هەرەسی ٧٥ خۆی پیناسە دەکرد، هەر بەم هەناسەیەش هاتە گۆڕەپانی شەڕی چەکدارانەی شاخ و ڕەگەزی بنەڕەتی و پیکهاتەی سەرەکی سەرکردایەتیەکەی لە هەمان مەکتەبی سیاسی دابڕاو و ڕاونراو لەلایەن بارزانی باوک، سەرۆکی دەستڕۆیشتووی ئەوسای پدک- عێراق لە ئەوێ ڕۆژیی شەستەکانەوە هاتبوو. ئەگەرچی لە دریژەی شەڕەکانی ناوخۆی شاخ و شارەکان وەک ڕکابەر و ڕەخنەگری توند و سەرەکی پدک کاری دەکرد. بەڵام دوای هەڕەفانی ڕژیمی بەعس و بە ناو ئاشت بوونەوەی گشتی نیوان خۆیی و پدک و دامەزراندنی حکوومەت و پەرلەمانی پەنجا بە پەنجا، دواتریش ڕیککەوتنە بەناوبانگە ستراتیژیەکەی، ئیتر بوو بە هۆکاریکی بنەڕەتی بەهیز، بۆ هەرچی زۆرتر بە هێز بوونی پدک لە واری سەربازی و سیاسی و کۆمەڵایەتیی و ڕێکخستنەوە، حەزی ئاگراوی تاڵەبانی سکرتێری گشتی ینک بۆ کورسیەکەی بەغدا و ناسنامەی سەرۆک کۆماری خاڵێکی تری وەرچەرخانی ئەم گۆڕانکاریانە بوو، بە قازانجی پدک، بە کورتی و بە کوردی بەکردەوە گۆڕەپانەکەی بۆ پدک بە جێهێشت، چاوپۆشی لە هەموو شتێک کرد، بۆ لە دەست نەدانی پۆستی سەرۆک کۆماری، هەر لەبەر هەندێ ینک ڕۆژ بە ڕۆژ تووشی دابڕان و دابڕ دابڕبوون و لاوازی هات، پارتیش تا دەهات هیز و توانای خۆی لەم بۆشایی و پاشاگەردانییە بە دەست دەهێنا، جودا بوونەوەی گۆڕان و دابڕکردنی بەشێک لە کادیر وئەندامانی ینک هێندەی تر ینکی شپرزە و لاواز کرد، پارتی گۆڕەپانی ململانێی نێوان خۆیی و ینکی ڕاسپاردە گۆڕان و بوو بە سەیرکەری گەمە سیاسییەکە و هەندێ جاریش ناوبژیوان. ئەو ئاشبەتاڵەی لەلایەن تاڵەبانی دەستی پیکرا بوو لە ٣٠ی حوزەیران لە لایەن خەلیفەکانی دوای خۆی دوا سەنگەری بەرگری بەجێهێشت و پرۆسەی ئاشبەتاڵی بە گوڕ و تاوتر پراکتیزە کرد، بە پێی پیشبینی زۆربەی چاودیرانی سیاسی ئەمڕۆ تاقە ئەلتەرناتیڤ لە بەردەم ینک سەنگەر گۆڕین و هەڵبژاردنی بەرەی ئۆپۆزیسیۆنە، چ لە دەرەوەی دەسەڵاتی پدک ئەگەر پدک توانی و کارای لەگەڵ هەندێ پارتی تر حکومەت ڕابگەیەنێ، یا ئەگەر پدک لە پیکهینانی حکومەت شکستی هینا و پاشەکشەی کرد، ئەوا بەشداری حکومەتی نوێ ی ئۆپۆزیسیۆن بێ، ئەمەش ئەگەر ئۆپۆزیسیۆن ڕێچکەیەکی تر نەگرێ!!

 

sarkash@hotmail.se

Previous
Next
This site is registered on wpml.org as a development site.