Skip to Content

Thursday, March 28th, 2024
سیناریۆی کێ فێریکردی ؟

سیناریۆی کێ فێریکردی ؟

Closed
by October 15, 2013 شانۆ

 

 

 

 

 

1… ڕۆژه‌ … کۆڵانێکه‌ … ده‌روه‌یه‌ .

کاواری ته‌مه‌ن 16 ساڵ، له‌ به‌رده‌م عه‌ره‌بانه‌یه‌کی له‌ڤه‌ فرۆشدا خه‌ریکی خواردنی له‌ڤه‌ی قاورمه‌یه‌ ،له‌مکاته‌دا بڕیاری هاوڕێی که‌ته‌مه‌نی (15) ساڵه‌ دێت به‌سه‌ریاو وێری ده‌کات .

                                        کاوار /

                  ئه‌ی به‌خێر بێیت بڕیار گیان وه‌ره‌

                  له‌ڤه‌یه‌کی شاز بخۆ .. ده‌ی حه‌زت

                  له ‌له‌ڤه‌ی قاورمه‌ یان له‌ڤه‌ی جگه‌ر

                  یان مریشکه‌  ؟

                                    بڕیار /

                  سووپاست ده‌که‌م کاوار گیان .ئێستا

                  تێرو پڕم . دواتر له‌قوتابخانه‌ شتێک

                 ده‌خۆم … به‌س نازانم تۆدایم له‌ده‌ره‌وه‌و

                له‌سه‌ر ئه‌م عه‌ره‌بانانه‌ نان ده‌خۆیت ته‌نها

                یه‌کجار تۆم نه‌بینیوه‌ له‌حانووتی قوتابخانه‌

                نان بخۆیت یان تۆ ئه‌وه‌نده‌ له‌قوتابخانه‌

                نیت .

                                        کاوار /

                 تۆ راست ده‌که‌ی بڕیار گیان نه‌ ئه‌وه‌نده‌

                له‌قوتابخانه‌ و نه‌ئه‌وه‌نده‌ش حه‌زم له‌حانوته.‌

                                     بڕیار /

                 باشه‌ بۆ ؟

                                   کاوار /

                 ده‌زانی بۆ ؟ چونکه‌ فێریان کردم .

 

2…رۆژه‌ … قوتابخانه‌یه‌ … ناوه‌وه‌یه‌ .

ئه‌م دیمه‌نه‌ فلاشباکه‌ …..

قوتابخانه‌که‌ی کاواره‌ ،پێش (10) ساڵ . کۆمه‌ڵێك منداڵی بچووك  له‌ پۆلی یه‌که‌می سه‌ره‌تاین و کاواریش له‌ناویاندایه‌ . مامۆستا عه‌زیزی ته‌مه‌ن (40)ساڵ خه‌ریکی سه‌حکردنی وه‌زیفه‌ی قوتابیانه‌ تا ئه‌و کاته‌ی ده‌گاته‌ لای کاوار .  کاوار بێ یه‌ك و دوو و به‌بێ دوودڵی بسکیتێکی زه‌رد له‌جانتاکه‌ی ده‌رده‌هێنێ و یه‌کسه‌ر ده‌ست ده‌کات به‌خواردنی بۆئه‌وه‌ی مامۆستا عه‌زیز بیبینێ، مامۆستاش که‌ ئه‌م دیمه‌نه‌ ده‌بینێ چاوی ده‌چێته‌ پشتی سه‌ری و تووشی هێستریا ده‌بێت  ،هه‌ر بۆیه‌ کاوار داده‌گرێته‌وه‌ به‌زله‌و شه‌ق و دار لێیده‌دات و پاشان تڤ بارانی ده‌کات وبه‌جنێو ده‌یکاته‌ ده‌ره‌وه‌ی پۆل.

 

3… رۆژه‌ … کۆڵانه‌ … ده‌ره‌وه‌یه‌ .

گه‌ڕانه‌وه‌ بۆ دیمه‌نی یه‌که‌م …..

به‌رده‌م عه‌ره‌بانه‌ی له‌ڤه‌که‌یه‌و به‌ده‌م گفتوگۆکردنه‌وه‌ به‌ڕێ ده‌که‌ون، بڕیار چیرۆکه‌که‌ی کاوار سه‌رنجی راده‌کێشێت ده‌ستده‌کات به‌ پرسیار لێکردنی .

                                         بڕیار /

                    باشه‌ تۆ بۆ له‌به‌رده‌م مامۆستا ده‌ستکرد

                   به‌پسکیت خواردن؟..دوای ئه‌وه‌ش ئه‌وه‌

                   په‌یوه‌ندی چییه‌ به‌ قوتابخانه‌وه‌ که‌ تۆ 

                  له‌ وێ  هیچ نه‌خۆیت ؟

                                      کاوار/

                ئاخر هه‌ر مامۆستا عه‌زیز بوو هه‌موو

                رۆژ ده‌یگووت شته‌کانی حانووت بکڕن

                پاکه‌ ،ته‌ندروسته‌ ،جوانه‌ ، خاوێنه،چاکه‌ ‌

                 ….. نابێ شتی ده‌ره‌وه‌ بخۆن پیسه.‌

                بۆیه‌ منیش چووم بسکیتی زه‌ردم

                له‌حانووتی قووتابخانه‌ کڕی و به‌قسه‌ی 

                مامۆستام کرد و له‌به‌رچاوی ئه‌ودا 

                گازم له‌پسکیته‌که‌ گرت بۆ ئه‌وه‌ی به‌

                به‌قووتابییه‌کان بڵێ چه‌پڵه‌ی بۆ لێده‌ن 

                هه‌مووتان چاوله‌ کاوار بکه‌ن و

                وه‌ك کاوار شتی حانووت بکڕن ..

                به‌ڵام مامۆستا لێیدام و تڤ بارانی

              کردم و له‌به‌رچاو قووتابییه‌کانی هاورێم 

              جنێوی پێدامو لێیپاڕامه‌وه‌ گوێی لێنه‌گرتم.‌

              ئیتر له‌وڕۆژه‌وه‌ فێری وانه‌یه‌کی تر بووم.

 

                               کۆتایی

 

rbahir@hotmail.com

  نووسینی

    رزگار باهیر

Previous
Next
This site is registered on wpml.org as a development site.