مێرگی ماچان … دڵشاد تاقانە

له‌مێرگی ماچانه‌ بۆسه‌م وه‌رده‌گرم باجه‌ ماچێ

کاسه‌م مه‌سته‌ به‌خۆشاوی ماچه‌کی له‌یادناچێ

ژوانداری لێو مژینم به‌ڵێنی عه‌شقه‌‌‌ خۆ دابووت

ئه‌ڤینی ماچ به‌خشینه‌‌ په‌یمانێکه‌ له‌‌سه‌رناچێ

سێره‌م دا له‌لێوانت کردم مرچه‌ی‌ نه‌رمه ‌ماچێ

شازی ماچانه‌‌‌‌‌ ماچت تامی له‌هیچ ماچێ ناچێ

بۆنی ‌ماچی ماچ ماچێنه‌ ڕاموسم‌ لێوان به‌لێوت

هه‌رماچێکی لێوی من له‌تۆ نه‌بێت به‌ماچ ناچێ

باعیسی حه‌زی دڵمان‌ تۆش مه‌ڵێ ڕێی تێناچێ

مێرگی ماچان گوڵدانه‌ گوڵه‌مه‌مه‌ کوڵمت لاچێ

شه‌رم مه‌که‌ له‌ماچم دیاریم که‌ خونچه‌ی لێوت

ئاشق و ماشقه‌ جووت ده‌بن دوولێوانه‌‌ به‌ماچێ

                                             Dlshadtakana@yahoo.com