پانتاییەك لەخەون … یوسف خەلیل

 

 

 

 

 

منی تاساو

لەئاوابووندا پێدەچێ ون ببم

بێ باكم لەكودەتا بەگومانەوە دەڕۆم

جوڵەی هزرو نیگای دیدەم

بەسەمای زەردەو هەستی پاك

دەلاوێنمەوە

كۆرپەی خەونەكانی ڕووبار

لەپانتایی ڕۆحی پەیڤدا

بەشنەی زوڵف و كازێوەی سپێدە

ڕاڤە دەكەم

پەی بردن بەپەروانەكانی خونچە

دركاندنی ڕازە پەنهانەكانی هۆشە

كەلەگەمەی مەلەدا دڵنییایی دەبەخشێ

لەدەركەدانی سرودە یاخییەكانی دێوانەیەك

دەروازەكانی دڵۆچكەی واڵا دەبن

كاتێ‌ خۆریش لەڕۆچنەدا

لەهەستی بەیان دەدا

قۆزاغە پڕپڕە لەمرۆ

چڕترە لەنەست

بۆن خۆشترە لەبەیداغی تامەزرۆ بوون

مەحاڵ بەشێكە لەماندوو بوون

كاتێ‌ ئارام گڕ دەگرێ

پریشك جەستەی هەست دەپێكێ‌

زەردەخەنە زامار دەكا

جودایی دەبەخشێتە ئاوێزان

ماچەكان لەخشتە دەبا

لەگەڵ ئاوابوونی ماڵی هزردا

بەركوڵی حەز لەباردەچێ

ئاشنا لەبیابان دەبێ

خەم دێتە ئاراو ڕووخساری تەم

جەستەی ئاسمان دەپۆشێ و

من و تۆو بەردیش

دەبێ بەرەو ئەودیوو تاریكی

ئاراستەی تەرزەو تەم

یاخی كەین

 

 

 

 

 

Yousif_kazh@yahoo.com