Skip to Content

Friday, June 21st, 2024
دڵت لاسكه‌ گه‌ڵای رۆحی منه‌  … كه‌ژاڵ ئیبراهیم خدر

دڵت لاسكه‌ گه‌ڵای رۆحی منه‌ … كه‌ژاڵ ئیبراهیم خدر

Closed

 

 

 

 

 

 

1

حه‌زم له‌ په‌لكه‌ گیای 

رۆحی تۆبوو 

تا له‌ژێر سێبه‌ری تارمایی 

 باڵاتا پشوو بده‌م 

چونكه‌ ورشه‌ی گه‌ڵای دڵی تۆ 

وه‌ك كاتژمێره‌كه‌ی ده‌ستم 

لێ ده‌دات بۆ دیده‌نی تۆ

2

حه‌زم 

له‌به‌ر هه‌یوانی به‌هاری دڵته‌ 

تاكوو له‌كازیوه‌یه‌كدا 

سه‌رخه‌وێك بشكێنم 

نه‌وه‌ك رۆژێك دابێت 

نه‌گه‌م به‌خۆری هه‌تاوی ره‌نگی تۆ

3

حه‌زم له‌ خه‌نده‌و تروسكه‌ی 

ئه‌نگوسته‌ چاوی تۆیه‌ 

تاكوو وه‌ك باڵنده‌ باڵ بگرم 

نه‌وه‌ك له‌ شه‌وه‌زنگی ئازادایدا 

جوانیه‌كانی هه‌ناسه‌ت نه‌بینم 

4

حه‌زده‌كه‌م ره‌نگم ببێت

به‌بارانی  شه‌ونمی رووی تۆ

تاكوو سیمای زه‌رده‌خه‌نه‌ت ببینم 

نه‌وه‌ك باوه‌شی سه‌فه‌رت 

ریگه‌ نه‌دات 

گوڵه‌كانی لێوت بمژم 

5

حه‌زده‌كه‌م 

ده‌نگت وه‌ك ره‌هێڵه‌و زریان ببیستم 

تاكوو بۆنی گوڵی ئه‌رخه‌وانی و 

كۆتری ئاشتی  

په‌رچه‌مت بكه‌م 

6

هه‌میشه‌ په‌یامێكم پێیه‌ بۆتۆ 

نه‌وه‌ك كۆرپه‌ی باوه‌شت 

وه‌ك كانیاو ووشك بێت و 

كۆشكی خه‌ونه‌كانم نه‌یه‌ته‌دی و 

ملوانكه‌ی دڵت به‌رێ بۆخۆ 

7

چه‌ند منداڵیم 

سپێده‌یه‌ك گڕوو گاڵی 

 بووكه‌ شووشه‌ی  دڵت ده‌گرم 

تاكوو له‌ژێر سێبه‌ری گه‌ڵای 

رۆحتدا به‌ئه‌سپایی 

به‌چه‌پكێك گوڵی نێرگزه‌وه‌ 

بێم و بچم  

 

Previous
Next
This site is registered on wpml.org as a development site.