Skip to Content

Friday, June 21st, 2024
دوێنێ قابیل میوانم بوو … ستار ئه‌حمه‌د

دوێنێ قابیل میوانم بوو … ستار ئه‌حمه‌د

Closed
by November 19, 2013 هۆنراوە

 

 

 

 

 

 

قابیل دوێنێ‌ هاته‌ ماڵمان

وتی هابیل خوێنی ده‌وێ‌

زام ده‌ژمێرێ‌

خوشكه‌كه‌شی زۆر خۆشده‌وێ‌

چیبكه‌م باشه‌

دۆشداماوم

له‌نێو گڕو 

دووبه‌رداشا

پێموت منی بابرده‌ڵه‌

چیم پێده‌كرێ‌

هه‌ڵبه‌ستێكی كورتم دایه‌

له‌به‌ركی ناو بۆی ده‌رپه‌ڕی

ته‌ماشام كرد

له‌به‌ر ده‌رگا

له‌ژێر داره‌كه‌ی به‌ر ماڵمان

زامێكی ره‌ش 

وه‌كوو دومه‌ڵێك ده‌رپه‌ڕی

هه‌موو رۆژێك دایده‌تاشم

جارێكی دی ده‌ڕوێته‌وه‌

كاره‌ساتی برا كوژی

له‌نێومانا نابڕێته‌وه‌

له‌كوێ‌ هابیلێك ببینم

قابیلێك بۆی له‌كه‌مینه‌

نازانم خاكی ژێر پێمان

لوغمێكی ته‌وقیت كراوه‌

یان زه‌مینه

Previous
Next
This site is registered on wpml.org as a development site.