که‌رنه‌ڤاڵی چیا … ئاکۆمحه‌مه‌د سابیر

په‌ڵه‌ هه‌ورێکی سپی

خۆیکرد به‌ئه‌سپی باڵدار

وتی وه‌ره‌ له‌گه‌ڵما

بابچین بۆگه‌شتو گوزار

منیش زۆر به‌دڵخۆشی

خۆم هه‌ڵدایه‌ سه‌ر پشتی

له‌ئه‌زمه‌ڕو گۆیژه‌وه‌

چوین بۆلای پیره‌ مه‌گرون

لوتکه‌ی قه‌ندیلمان ماچکرد

سڵاومان کرد له‌ سه‌فین

ئاڵای قازی مان پێبوو

پێسکه‌شمان کرد به‌حه‌مرین

ئارارات و زماناکۆ

گڵه‌زه‌رده‌و باڵامبۆ

به‌مۆو، هه‌ڵگوردو زاگرۆس

جودی و مه‌تین و ئاسۆس

زنجیره‌ چیای سورێن

دابان ،هه‌لاج ،هه‌ندرێن

شه‌رام، شنروێ، شاهۆ

مه‌مه‌مه‌ند،که‌ڵۆش وگمۆ

کۆسره‌ت، کاژاو، که‌لی خان

کێله‌ شین، بانیخێڵان

بێستون و مله‌ که‌وه‌

ئامێزیان بۆم کرده‌وه‌

هه‌ریه‌کێک له‌م شاخانه‌

پڕنه‌به‌ردی وداستانه

خۆڕاگرن له‌ مێژه‌

ته‌مه‌نیان زۆر درێژه‌‌

ئای ئای ئه‌م نیشتیمانه‌

چه‌ند جوانه‌ له‌ئاسمانا

سه‌یری خواره‌وه‌ ده‌که‌یت

هه‌ر لوتکه‌ به‌دی ئه‌که‌یت

ئه‌زانن هاوڕێکانم

ئێستاش هه‌ر له‌گه‌ڕانم

له‌سه‌ر پشتی ئه‌سپه‌که‌م

به‌رده‌وامم گه‌شت ده‌که‌م

..سوید