به‌یانی به‌فر….ئاکۆمحه‌مه‌د سابیر

به‌یانی له‌خه‌و هه‌ستام

ڕۆژێکی خۆشبوله‌لام

په‌رده‌ی په‌نجه‌ره‌م لابرد

دڵخۆشبوم هاوارم کرد

هێی هێی به‌فری سپی جوان

بووه‌ به‌به‌رگی کۆڵان

ڕام کرد خێڕاده‌ست وبرد

جله ‌کا نم له ‌به‌رکرد

فانیله‌و پاڵتۆی گه‌رم

پوتو ده‌ست کێشی چه‌رم

ئازاو وریاو ده‌ست وبرد 

ژیرانه‌ دروستم کرد

یه‌ک شێره‌ به‌فرینه‌ی زل 

ملپێچێکم کرده‌ مل

هه‌ڵماتم کرد به‌ چاوی

برۆی په‌ڕی مراوی

مۆزێکم کرد به‌ ده‌می

وادیاربوو پێ ئه‌که‌نی

کڵاوێکم کرده‌ سه‌ر

لوتم بۆ کرد به‌ گوێزه‌ر

ته‌نها سێ ڕۆژ مایه‌وه‌

خۆر لێ یدا توایه‌ وه