فه‌لسه‌فه‌ی کات…. سه‌لام محه‌مه‌د
Closed
فه‌لسه‌فه‌ی کات…. سه‌لام محه‌مه‌د
ئیمشه‌و دوو که‌س
بێدارن ، خه‌ویان زڕاوه
یه‌که‌میان زوو زوو ته‌ماشای سه‌عات ئه‌کا و
وا هه‌ست ئه‌کات کات وه‌ستاوه
درێژبۆته‌وه‌و ناڕوات و دووایی نایه
دووه‌میشیان ،
گوریسی غه‌مێکی تاریك
وه‌ك ره‌شه‌مار ئاڵاوه‌ته شاده‌ماره‌کانی دڵی
ئه‌بینێ کات
زۆر زۆر له جاران خێراتر
بۆ پێشه‌وه ته‌کان ئه‌دات
ئه‌وه‌ی یه‌که‌م په‌له‌یه‌تی ، بۆ به‌یانی
چاوه‌ڕوانی : ژوانی یاره
دووه‌میش : په‌تی سێداره..
21 / 10 / 2008- سوید
