Skip to Content

Thursday, March 28th, 2024
پێشبینى و هاوپەیمانیەتى … سەلام عومەر

پێشبینى و هاوپەیمانیەتى … سەلام عومەر

Closed
by January 23, 2008 گشتی

ئەو کاتەى لەسەرەتاکانى سەردەمى ئازادکرنى عێراق، پێشبینى ئەوەمان دەکرد کە هاوپەیمانە زەبەللاحەکانمان، شەرمیان بە هاوپەیمانییەتیمان دێت، هەندێک دەیانگوت ئەوانە ڕاى تاکە کەسنو ئێمە براوەدەبینو بیمەى هەمیشەییمان وەرگرتووە کە ئایندەى گەلەکەمان لەسەردەستى ئەم زلهێزانە دەپارێزین.
بەڵام دیاردەکان، هەروا پێشبینەکانى ڕابردوو، ئەوا وردە وردە خەریکى بەدیار کەوتنن، ئەوەتا لەولا هەزاران سەربازى زلهێزەکان بۆ پاراستنى گیانى زنجیروەشێنەکان بڵاوبوونەتەوەو…، لێرەش بست بەبستى چیاو سنورەکانمان کێومالڕ دەکرآو گوندەکانمان دەسوتێنرێتو خەڵکەکەى ئاوارە دەبن، کەچى نەکۆمەڵگاى نێودەوڵەتىو نە هاوپەیمانە زەبەللاحەکانمان نقەیان لێوە نایە.
ئەوانەى… ئەو هاوپەیمانە لەڕو لاوازانەش کە پێشترآو لەسەرەتاى ئازادکردنى عێراقدا بەڵێنى زۆر گەورەتر لەخۆیان پێدەداین، ئێستا ئەوانیش لەژێر کۆنتڕۆلى هێزە زەبەللاحەکانداو دژى خواستو ماددە دەستوریەکان واژوو کۆدەکەنەوەو بەندى 140و  یاساى  نەوتو غاز ئەو دەستىو دەستى پێدەکەن، خۆ هەندێکشیان لەوەتەى کەمێک بارى ئاسایشى دەوروبەریان باش بووە، رایدەگەیەننو دەڵێن: نەک کەرکوک، بەئیمامى عەلى بێنجوینو کێلێو حاجى ئۆمەرانیش عێراقە، هەروابێتەوە، هەر لەسەردەمى ئازادکردنى عێراقو دواتریش دەگوترا هێزى پێشمەرگە، هێزێکى نیزامیەو دەبێت بۆ پاراستنى تەواى عێراق بەکاربهیَِنرآ، کەچى ئێستا پێدەچێت پێویستییان پێیان نەمابآ بۆیە بۆدجەکەیان ناخەنەسەر سوپاى عێراق، هەر بۆئەوەى پێشمەرگە نان نەبآ بیخۆن، بودجەى هەرێمیش لە 17%وە دەیانەوآ بیکەن بە 13%.
جائەو هاوپمانو شەریکو برا بەشانە هەمیشە بەدزیەوەو لەولاولەولا لەسەر کەوڵى ئێمە ڕێک دەکەونو بەسەر ئەو نەخشە مەترسیدارانەدا دەچنەوە کە پێشتر بەعس بۆى داڕشتبووین، ئەوە نییە خەریکى دروستکردنى ئەو هاوپەیمانیە نوێیەن کە تەواوى خاڵە راگەیانراوەکانیان هەر بەئاشکرا دژى ئێمەنو دەیانەوآ ئەو نینۆکەشمان لێکەنەوە کە خۆمانى پێدەخورێنین. ئەوانە ئەو شۆڤینیستو بەرژەوەندى ویستو  زۆڕ زڕە برایانەن کە بەسامانى ژێرمان ( نەوتە حەیاتەکە) خۆیانى پآ قەبەو ئێمەى پآ لاواز دەکەن، دەیدەن بە تێچوونى ( ئاشت بوونەوەى نیشتمانى)و ئێمەش دروشمى برایەتى تێکەڵى هاوپەیمانە زەبەللاحەکان دەکەینو لەوەتەى هەین دەیجوینەوە.
گەلۆ کاتى ئەوە هاتووە بەپێشبینیەکانى ڕابردوودا بچینەوەو ئێمەش خۆمانو خۆمان، ئێمەو میللەتەکەمان، چونکە کەسمان لەگەلڕ نەماوە، هاوپەیمانیەتیەک دروست کەینو چیدى چاومان لەکەس نەبێت خێرمان پآ بکات.

Previous
Next
This site is registered on wpml.org as a development site.