پاداشتى شیعر شەقە……. بەهێز حوسێن
Closed
پاداشتى شیعر شەقە
بەهێز حوسێن
كاتێك كە گومان لە قورئان پەیدابوو
بە پێغەمبەریان وت
ئەوەى بۆمان دەخوێنیتەوە قسەى خوا نییە و
شیعرى خۆتە…!
ئۆژێن پۆتێی
بە شیعرێك ئینتەرناشناڵى بەرپاكرد و
گۆرانى سەر (دەم )ى كرێكارانى جیهانى كرد بەیەك
چیخۆفیش
بە شیعر بوو بەشا
مەحمود دەروێش
بەشیعر بەرد*ى بە دونیا ناساند
نەشمیلەكانى عەرەب ئێستاش
بەدەم وێردى عەشقى شیعرەكانى قەببانییەوە
سەما دەكەن
فارس دەڵێت: ئێمە نەمرین
خاوەنى فەلسەفەى شیعرى شیرازیى و
فڕینەكانى فروغ و
چاوە تیژەكانى شاملووین
هەموو دونیا بەشعرەوە دەنازىَ و
دەڵىَ شاعیر وەك سەركردە و ڕابەر سەیر دەكەین
بەڵام ئێمەى كورد
كە لەنەوەى مەحوی و نالى و گۆرانین
شەق لەدەمى حەمە عومەر عوسمان هەڵدەدەین…!!!!؟؟؟؟؟؟
