Skip to Content

Monday, September 26th, 2022

قه‌ سیده‌ی قه‌سیده‌…..

Closed
by April 16, 2009 ئەدەب

قه‌ سیده‌ی قه‌سیده‌
       شیعری: جابر محمد جابر 
وه‌رگێڕانی له‌ عه‌ره‌بیه‌وه‌ : صلاح جلال

* گه‌مارۆ
ده‌ریاچه‌كه‌م شۆڕ بۆته‌وه‌
وه‌ك ده‌زویه‌ك له‌ ته‌پ و تۆز
لێره‌وه‌ فیشه‌ك تێناپه‌ڕێت
رێگه‌یه‌ك نیه‌ بۆ ناو دڵم …
                 گه‌مارۆ .

*گۆرانیه‌ك
له‌ سیه‌كانمدا پچڕ پچڕ ده‌بێت
ره‌وه‌ ئه‌سپێك …
هه‌ناسه‌كان له‌ ناوماندا ده‌حیلێنن…
وه‌ك داهۆڵه‌كان.

*شاعیرێك
وه‌ك شاعیرێك له‌ بیاباندا ون بوبێت
پارچه‌كانی خۆی كۆكرده‌وه‌
ئاوی شته‌وه‌

*تینوێتیه‌ك
له‌ تینوێتیماندا
هه‌وری به‌یانمان خوارده‌وه‌
له‌به‌ر ترس..
برینه‌كانمان پێشته‌وه‌.

* دڵێك
هه‌مو دڵێك.. كلیلی هه‌یه‌
جگه‌ له‌ دڵم
بێ ده‌روازه‌
تیشك دێته‌ ناوی
چی پێویستیه‌كی به‌ چرا هه‌یه‌.

* سته‌م
به‌ په‌نجه‌كانمان قژی ده‌ریاچه‌كه‌مان شانه‌ كرد..
كاتێك هاته‌وه‌ هۆش خۆی
ناومانی سڕیه‌وه‌ .

* شه‌قامێك
هاوڕێكه‌م ده‌ریاوانێكی برسیه‌
خه‌مه‌كانی كۆكرده‌وه‌ و فرۆشتی..
له‌ كه‌ناری به‌نده‌ره‌كان
به‌ نرخه‌كه‌ی شه‌قامێكی كڕی
ناومان نا..
شه‌قامی برسێتی

*هه‌ڵهاتن
زه‌مان هه‌ڵهات
بۆ جێگه‌یه‌ك
كۆن بو
وه‌كو.. كۆنی.. هه‌بو نه‌بو.

* بڕیار
بڕیارم دا شتێك كۆبكه‌مه‌وه‌
له‌ یاده‌وه‌ریمدا..
دێمه‌وه‌،
ده‌گه‌ڕێم به‌ دوای گوڵێكدا
یان ..
سه‌ربازگه‌یه‌ك.

*له‌ خۆبایی بون
هه‌مو جۆله‌كه‌یه‌ك له‌ من ده‌چێت
رێزی ده‌گرم
كه‌ شیاویه‌تی
ته‌نها چۆله‌كه‌یه‌ك نه‌بێت
كه‌ به‌رده‌كان نه‌یانپێكا.

* فرمێسك
گوڵه‌ جۆیه‌ك له‌ گه‌نم
گوڵه‌ جۆیه‌ك له‌ قوڕ
فرمێسكیش خۆڵه‌..
ساڵه‌كان وشكیان كرد.
 
سه‌رچاوه‌: كۆمه‌ڵه‌ شیعری (أحلام مبلله‌ )چاپی یه‌كه‌م به‌غداد 2007
له‌ ژماره‌ 38 ی 4/ 2009 له‌ كۆَفاری (هه‌نار)دا بڵاوبۆته‌وه‌.

Previous
Next