هه‌ندێك جار هزری وابه‌میشكمدا گوزه‌ر ئه‌كات خه‌ریكه بڵیم دیكتاتۆریه‌ت باشتره له دیمكراتیه‌ت بۆ گه‌لێك كه‌خاوه‌ن ئه‌و هۆشیاریه نه‌بێت تا ئه‌و توانایه‌ی پێ ببخشێ به‌بێ هه‌ڵچون دور له سۆز و به شێوه‌یه‌كی عاقڵانه بڕیاربده‌ن و ته‌نها عه‌قڵیان چاویان نه‌بێت و له‌سه‌ر بینینی به‌شێكی كه‌می دیمه‌نه‌كان داوه‌ری نه‌كه‌ن له پڕێك نه‌گۆڕێن وه‌ك بڵیت سیحریان لێ كرابێت.
ئه‌وه‌ی مه‌به‌سته لێره ئه‌وه‌یه كه‌دیمكراتیش وه‌ك هه‌ر بابه‌تێكی تر ده‌كرێت بۆ مه‌به سته باش و خراپ به‌كار بهێنرێت به تایبه‌تی ئه‌گه‌ر ئه‌و بۆ چونه‌ی زانا ئادام له‌به‌ر چاو گرت كه‌ده‌ڵێت(( وه‌سفی مرۆڤی دیمكرات هه‌روه‌كو بونه‌وه‌رێكی گوڵه به‌ڕۆژه سیفه‌تی یان مارمێلكه ئاسا كۆمه‌ڵگای مرۆیی تا ئه‌به‌د ڕه‌نگی ئه‌و دیارده‌كات)).
زۆر زه‌حمه‌ته‌و ئاسان نی یه بۆ گه لێكی وه‌كو كورد كه خاوه‌نی فه‌رهه‌نگیك ئه‌و تۆ نی یه تا ئه‌و ده‌سته‌واژه و زاراوه گران و فره ڕه‌هه‌ندانه‌ی تیا بدۆزینه‌وه كه‌نه‌ك هه‌ر بۆ تاكی ئاسای گرفتن به‌ڵكو بۆ تۆێژی ڕۆشنبیرانیش جێگه‌ی قسه‌و باسن و ته‌نانه‌ت له و كۆمه‌ڵگانه‌شی كه خاوه‌ن فه‌رهه‌نگیكی ده‌وڵه‌مه‌ندن و خاوه‌ن شارستانیه‌تن كه‌ئیستا قسه‌و باس له‌سه‌ر مۆدیرنیته‌و پۆست مۆدیرنیته‌ش ده‌كه‌ن.به‌تایبه‌ت ئه‌گه‌ر ئه‌و بۆ چونه‌مان تۆخ كرده‌وه كه پێ ی وایه دیمكراتی له ژیر سیبه‌رو سایه‌ی سه‌ركرده‌یه‌كی پر نفوز و جه‌ماوه‌ری ده‌بێته جۆرێك له دیكتاتۆریه‌ت.
به‌ڵام بۆ میلله تی هۆشیار زۆر به‌ده‌گمه‌ن ئه‌مه هه‌ڵ ده‌كه‌وێت كه كه سێك ببێته خاوه‌نی ئه‌م هێزه جه‌ماوه‌رییه چونكه دیدێكی عه‌قڵانی بڕیارده‌ره و ئه‌و دیده‌ش پێ ی وایه هیچ مرۆڤێك مرۆڤی هه‌ڵبژارده نی یه و هه‌موو مرۆڤه‌كانیش خاڵی نین له‌هه‌ڵه.به‌ڵام ئه‌مه ته‌واو پێچه‌وانه‌یه بۆ گه‌لانێك كه له جێگه‌ی ئه‌م دیده عه‌قڵانیه مرۆڤی پیرۆز هه‌یه.
له پێش بانگه‌شه‌ی هه‌ڵبژاردنه‌كان ئه‌و كاته‌ی كه‌ته‌نها قسه‌و باس له هه‌ڵبژاردن ده‌كرا ئێمه جه‌نگی ناشرین كردنی و سوككردنی یه‌كترمان ده‌ست پێكردو و قه‌ڵه‌می سوری زه‌رب كردنی یه‌كترمان به‌ده‌سته‌وه‌گرت به‌ئاسانی هه‌ممو شتێكمان زه‌رب ئه‌كرد ئه‌گه‌ر تۆڕه‌ی بكردینایه و به بێ ئه‌وه‌ی ئارگۆمێنتێك هه‌بێت بۆ ئه‌وی كه ده‌مانكرد.
دواتر هه‌روه‌ك ئاو به‌ئاگردابكه‌یت خامۆش بووین له‌سه‌ره‌تا ئه‌م خامۆشیه دڵخۆشكه‌ر بوو چونكه پێمان وابوو كه دیاره دانمان به‌هه‌ڵه‌ی خۆمان دا ناوه‌و پێمان وابووه‌كه تیژ ڕه‌وبوین به‌ڵام ئه‌مه‌ش خه‌و ده‌رچوو له‌وكاته‌ی كه بانگه‌شه‌ی فه‌رمی ئه‌وه چه‌ند رۆژێكه ده‌ستی پێكردوه خه‌ڵكێكی زۆر ده‌بینم كه توتی ئاسا چه‌ند قسه‌یه‌كی جواو ئه جوێته‌و به‌بێ ئه‌وی ته‌پی لێ بپێكێ بووه به‌فریاد ڕه‌س و وه‌ك بڵیت تازه له خه‌و هه‌لسابێت من نامه‌وێ وام تێ بگه‌ن كه خاوه‌ن دیدێكی خۆپه‌رستانه‌م ئه‌و مافی به‌یانكردنی بیروڕایه‌ش له‌كه‌س داگیرناكه‌م به‌ڵام ئه‌گه‌ر قسه‌كه جدی بێت و باسه‌كه سیاسه‌ت و هاوڵاتی بێت گۆناحه ئه‌وانه به هاوڵاتی بێنه هه‌ژماركردن چونكه ئه‌گه‌ر زۆر وردی بكه‌ینه‌وه قشقه‌ڕه‌كه‌ی كۆیه زۆر له وجۆره مرۆڤانه نه‌فسی پێكه‌وه ژیان و ڕیزگرتن و گفتوگۆكردنی درێژتره.
خه‌ریكه هه‌موو شته‌كان وه‌ك ریس ده‌كه‌نه‌وه به خوری و هیچ شتێك نی یه پێوه‌ی په‌یوه‌ست بین ته‌نها ئه‌وی ئه‌وان نه‌بێت.ئه‌مه‌له‌كاتێكدا ئه‌مانه به چه‌قه‌نه‌یه‌ك زوڕنالیده‌رن و به چه‌قه‌نه‌یه‌كیش شیوه‌ن گێڕن.بۆیه له‌م ڕسته‌یه جوانترم ده‌ست ناكه‌وێ تا پێان بڵیم ئێوه
( به فویه‌ك گه‌رمن و به فو یه‌كیش سارد).
ataqajri@yahoo.com
