Skip to Content

Monday, October 26th, 2020

مه‌رگ له‌ ناخمدایه‌ … وریا جاف

Be First!
by December 21, 2012 هۆنراوە

 

 

 

هه‌ناسه‌کانم بۆنی مه‌رگیان لێ دێ

 روخسارم ڕه‌نگی تۆی گرتووه‌ ئه‌ی 

مه‌رگ

 

سه‌ر به‌ هه‌ر کۆڵانێکدا ئه‌که‌م

 مه‌رگ ته‌نها خۆشه‌ویسته‌‌ چاوه‌ڕوانمه‌

 

له‌وه‌ته‌ی ده‌ستم به‌ر ده‌ستی ژیان که‌وتووه‌

 مه‌رگ خۆشه‌ویسترین هاوڕێمه‌‌

 

چیرۆکی ڕابردووی من 

گه‌مه‌یه‌کی جوانه‌ له‌ گه‌ڵ مه‌رگدا

 بۆیه‌ 

حیکایه‌ته‌کانی ئێستام

 لێوان لیوه‌ له‌ فه‌نابوون

 پڕ پڕه‌ له‌ مه‌رگ

 

من له‌ ده‌ریایه‌که‌وه‌ هاتووم

 سه‌رچاوه‌که‌ی له‌ مه‌رگه‌وه‌ هه‌ڵقوڵاوه‌

 شه‌پۆله‌کانی نامه‌ی مه‌رگیان 

له‌ گه‌ڵ خۆیان هه‌ڵگرتووه‌

 

من له‌ دارستانێکه‌وه‌ هاتووم

 خودایش له‌ بیری کردووه‌

 مه‌رگ نه‌بێ

 دره‌خته‌کانی ڕه‌گیان به‌ ڕه‌گی 

مه‌رگه‌وه‌یه‌

 

من چیدی بڕوا به‌ پێکه‌نینه‌ ساخته‌کانی ژیان ناکه‌م

 ئیدی گوێ له‌ حیکایه‌ته ‌درێژه‌کانی با ناگرم

 خۆم ناده‌مه‌ ده‌ست شه‌پۆله‌ شێته‌کانی ده‌ریاوه‌

 چیتر به‌و شه‌قامانه‌دا ناڕۆم

 که‌ به‌ قه‌ده‌ر ڕابردووی مه‌رگ له‌ ڕۆحمدا

 درێژن

 

ده‌ست نابەم بۆ ئه‌و دره‌خته‌ی که‌ بۆنی ژیانی لێ ده‌ێت

 باوه‌ش بۆ مه‌رگ دەکەمەوە

 هه‌تا به‌ یه‌قین بگهم

 تا بکارم ڕه‌شترین حه‌قیقه‌ت ببینم

 

من ژیان له‌ مه‌رگه‌وه‌ ئه‌بینم

 پێناسه‌م بۆ خودا مه‌رگه‌

 عه‌شق مه‌رگه‌

 

مه‌رگ ده‌مانگه‌یه‌نێته‌ ترۆپکی ژیان

 مه‌رگ قوڵایی زه‌ریاکانمان پیشان ئه‌دات

 

له‌ نێوانی من و مه‌رگدا

 ئاره‌زوویه‌کی قووڵ هه‌یه‌ بۆ پێکه‌وه‌بوون

 بۆ دانه‌بڕان

 بۆ گه‌یشتن به‌ ئه‌به‌دییه‌ت

 

مه‌رگ له‌ ڕۆحی من په‌یکه‌رێک 

بۆ خۆی دائه‌تاشێت

 تا ژیان له‌ مندا بکوژێت

 

من له‌ ڕوخساری مه‌رگ تابلۆیه‌ک

 بۆ فه‌نابوون ئه‌نه‌خشێنم

 ‌تا هه‌رگیز لێم دانه‌بڕێ

 

وریا جاف

Wuriajaf103@hotmail.com

 

 

 

.

Previous
Next

Leave a Reply