توڕە مەبە ….. ناسك حسێن
Closed
توڕە مەبە
لە گەرمیتا لە هەتاو ئەجی
لە پاکیتا لە کانیەکی بن بەرد ئەجی
هیمنێشت لەباڵە نەخشاوەکانی پەپولەیەک ئەچێ
لەبەرائەتتا کۆترێکی سپی
کە توڕەشبی وەك ڕەشەبای
منیش وەك دارێکی پایزی
هەمو گیانم ئەلەرزێت گەڵام پێەوە نايڵێ
ئەم نێری بۆ کەناری خەمێ
زۆر ئەترسم لەم خەمە لە تۆم دور ئەخاتەوە
توڕە مەبە
توڕە بون لە تۆ نایە تۆ شیری سپی بێگەردی
بەڵام زوو هەڵ ئەچی
توڕە مەبە… تورە مەبە
منیش لە خۆت دورمەخەرەوە
من چرای شەوتم بۆت ئەسوتیم
بەرگەی ئەم ڕەشەبایە ناگرم
گەر بێتو شوشەی دڵم بشکێ
جاڕیکی تر چرا ناگڕێ
مەم گرێنە … فرمێسکم هەوری ڕەشن خەمیان لێدەبارێ
لە بیانویەک ئەگەڕێن بێنە خواڕێ
ئەوسا خوڕ خوڕ بەخەم ئەت شۆنەوە
من هێچ ناڵیم توڕەش نابم وەڵامت بە فرمێسکەکانم ئەدەمەوە
گەر هەر توڕە بی و واز نەهێنی
ئەزانم فێرە ماچی ..
بە ماچێك ئاشتت ئەکەمەوە
ناسك حسێن