Skip to Content

Friday, March 29th, 2024
مانڤێستی هه‌ستان …. نیا کامیل

مانڤێستی هه‌ستان …. نیا کامیل

Closed
by February 20, 2011 ئەدەب

بۆ شۆڕشێك كه‌ بڕیاره‌ ڕووبدات
مانڤێستی هه‌ستان
هه‌ستاین به‌یانیه‌ ، خۆر له‌ پشتمانه‌
ڕوناكیه‌ .
ڕقی توڕه‌ی ئێمه‌ ، له‌ ئاوابوون و
تاریكیه‌ .
تارمایی نین شۆڕشین ، شۆڕشی
چاره‌نوسین ، لێتان وه‌ڕستین
بڕۆن .
گوێگرن ده‌نگی پێی ئێمه‌یه‌
له‌ گه‌روی خیابانه‌وه‌ ده‌له‌رزێنێت
عه‌رشتان .
هه‌ستاین به‌یانیه‌
نه‌سلی شه‌قام ڕوو له‌ زیادیه‌
هه‌ستانی یه‌كجاریه‌ ، نۆبه‌تی
 ڕزگاریه‌ .
هاتین . ده‌ستی زۆرداری
بكه‌ینه‌وه‌ له‌گه‌روی خنكێنراوی
خۆمان  ، ئیتر ڕۆژگاری
بێداریه‌ .
وه‌رن هاوڕێیان شۆڕش له‌دژی
زۆرداری ، برسی وبێكاریه‌ .. كاتی
ڕه‌هاییه‌ .
ئازادی وه‌رزی پێنجه‌می ساڵه‌
پشكوتنی خه‌نچه‌ و هه‌ڵوه‌رینی دڕكی
نابه‌رابه‌ریه‌ .
هه‌ستاین به‌یانیه‌
گڕی ڕق ، له‌ دڕك و داڵا به‌رده‌بێت
خواستی ئێمه‌ ئاوه‌دانیه‌
توڕه‌ین لێتان .
 له‌ گه‌روی تینو و وشكهه‌ڵهاتووی
ئێمه‌وه‌ ، سرودی ژیان دۆستیه‌
له‌ ڕێگاداین .
پێی ئێمه‌ له‌سه‌ر زه‌ویه‌ ، ئه‌وه‌ی
ده‌كه‌وێت ئێوه‌ن ژێر پێتان
خاڵیه‌ .
هه‌ستاین به‌یانیه‌
شه‌قام شه‌پۆله‌دا لێناگه‌ڕێین
فه‌سڵی شكاندنی بت و كۆتی
یه‌خسیریه‌ .
وه‌رنه‌ مه‌یدان هه‌ڤاڵان
پڕبه‌ گه‌ور هاواركه‌ین
بڕۆن ..بڕۆن ..بڕۆن
بڕۆن .
ئاكام هه‌ربه‌ ئێمه‌ ده‌بڕێت دنیایه‌ك
 كه‌ پڕی نان و ئازادیه‌ ، خاڵی له‌
كۆیله‌یه‌تیه‌ .
هه‌ستاین به‌یانیه‌ ، خۆر له‌ پشتمانه‌
ڕوناكیه‌  .
ڕقی توڕه‌ی ئێمه‌ ، له‌ ئاوابوون و
تاریكیه‌  .

نیا كامیل
nyakamil@hotmail.com

Previous
Next
This site is registered on wpml.org as a development site.