Skip to Content

Friday, December 3rd, 2021

كاریگه‌ریه‌كانی لابردنی خانه‌ی نه‌ته‌وه‌ له‌ فۆرمی سه‌رژمێری گشتی عێراق له‌ ئێواره‌ كۆرێكی رێكخراوی دیالۆگدا.

Be First!
by November 12, 2010 گشتی

ئێواره‌ی ئه‌مرۆ 10 / 11 / 2010 له‌ هۆڵی كتێبخانه‌ی گشتی هه‌ولێر ئێواره‌ كۆرێك بۆ به‌رێز (فرسه‌ت سۆفی ) مامۆستای زانكۆ به‌ ناونیشانی ( كاریگه‌ریه‌كانی لابردنی خانه‌ی نه‌ته‌وه‌ له‌ فۆرمی سه‌رژمێری گشتی عێراق ) له‌لایه‌ن رێكخراوی دیالۆگه‌وه‌ سازكرا.

سه‌ره‌تایی كۆره‌كه‌ به‌ ساتێك وه‌ستان به‌بێ‌ ده‌نگی بۆ شه‌هیدانی بزووتنه‌وه‌ی رزگاری خوازی گه‌لی كوردستان ده‌ست پێ كرد.
له‌پاشان وتاری رێكخراو له‌ لایه‌ن ( باڵا كاكه‌مه‌م بۆتانی) پێشكه‌شكرا دوای به‌خێرهێنانی ئاماده‌بووان كورته‌ باسێكی ده‌باره‌ی رێكخراوه‌كه‌ و چالاكیه‌كانی رێكخراوه‌كه‌ كرد ئاماژه‌ی به‌وه‌ش كرد ئه‌م كۆره‌ی ئه‌مرۆیان ده‌ستپێكی وه‌رزی سێیه‌می چالاكیه‌كانیانه‌ وتی:
هه‌رچه‌نده‌ ده‌بوایه‌ ئه‌م وه‌رزه‌ مانگێك له‌مه‌وبه‌ر له‌ 10 / 10 / 2010 ه‌وه‌ له‌ ساڵیادی دامه‌زراندنی یه‌كه‌م ئه‌نجوومه‌نی وه‌زیرانی حكومه‌ته‌كه‌ی ( شێخ مه‌حموودی نه‌مر ) له‌ ساڵی 1932 و دامه‌زراندنی كۆمه‌ڵه‌ی هه‌یڤی له‌ ئه‌سته‌نبوول له‌ ساڵی 1910 ئه‌نجام بدرایه‌ ، به‌ڵام له‌به‌ر نه‌بوونی داهاتێكی ئه‌وتۆ نه‌مانتوانی ئه‌نجامی بده‌ین.
له‌ درێژه‌ی وته‌كه‌یدا پشتگیری رێكخراوه‌كه‌یانی بۆ سه‌كردایه‌تی سیاسی كوردستان راگه‌یاند له‌سه‌ر مه‌سه‌له‌ی لابردنی خانه‌ی نه‌ته‌وه‌ له‌ فۆرمی سه‌رژمێری گشتی عێراق.
دواتر مامۆستا ( فرسه‌ت سۆفی ) باسێكی گرنگی سه‌رژمێری و ئه‌و سه‌رژمێریانه‌ی تا ئیستا له‌ عیراق ئه‌نجام داوه‌ مه‌ترسیه‌كانی و كاریگه‌ریه‌كانی لابردنی خانه‌ی نه‌ته‌وه‌ له‌ فۆرمی سه‌رژمێری بۆ ئاماده‌بووان شی كرده‌وه‌ .

له‌ كوتایی كۆره‌كه‌ ده‌رگای گفتوگۆ واڵا كرا بۆ ئاماده‌بووان تا بیرو بۆچوون و سه‌رنجه‌كانیان له‌سه‌ر ئه‌م بابه‌ته‌ بخه‌نه‌ روو.
راگه‌یاندنی رێكخراوی دیالۆگ

Previous
Next

Leave a Reply