Skip to Content

Wednesday, May 29th, 2024
گۆڕینی ئاره‌زومه‌ندانه‌ی كلتوور

گۆڕینی ئاره‌زومه‌ندانه‌ی كلتوور

Closed
by April 6, 2011 گشتی

 

فه‌رهه‌نگی براكوژی,كلتووری جاشایه‌تی وخیانه‌ت,دیارده‌ی بوون به‌نه‌ژادێكی ِدیكه‌وگۆڕینی مه‌زهه‌ب,ئه‌م دیاردانه‌  دیارده‌گه‌لێكی له‌به‌رچاووزه‌قی نێوسستمی كۆمه‌ڵگه‌ی كوردین ,به‌درێژایی مێژووله‌نێوخوێن وده‌ماروو روحی كۆمه‌ڵگه‌دائاماده‌ییان هه‌بووه‌وكاریگه‌رییان له‌كۆی چوارچێوه‌ی ئه‌م كۆمه‌ڵگه‌یه‌دابه‌جێهێشتووه‌ ,ئایائه‌م دیاردانه‌ بۆماوه‌یین ؟وانه‌وه‌دووای نه‌وه‌,وه‌چه‌دووای وه‌چه‌ وه‌ك میكرۆب لانه‌ی له‌نێوخوێنی ئێمه‌دا كردووه‌,یان هۆكاره‌كه‌ی بۆئه‌وه‌ده‌گه‌ڕێته‌وه‌كه‌كوردبه‌درێژایی مێژوو خاوه‌نی ده‌وڵه‌ت وتاج وبه‌ختی خۆی نه‌بووه‌؟؟؟پرسیاره‌كه‌لێره‌دا قوڵترده‌بێته‌وه‌,ئه‌ویش ئه‌وه‌یه‌:ئایائه‌م كلتووره‌بۆماوه‌ییه‌,ئه‌م فه‌رهه‌نگه‌به‌میرات  به‌جێماوه‌ وای كردووه‌كه‌ هه‌میشه‌كورد نه‌توانێت ببێته‌خاوه‌نی كیان وده‌وڵه‌تی نه‌ته‌وه‌یی خۆی!؟یان ده‌ستێوه‌ردانی ده‌ڵه‌تانی دیكه‌ به‌تایبه‌تی ئه‌وده‌وڵه‌تانه‌ی كه‌ كوردستانیان به‌سه‌ردا دابه‌شكراوه‌هۆكاری ڕاسته‌وخۆو سه‌ره‌كین بۆدروست نه‌بوونی ئه‌م كییانه‌!؟بۆئه‌وه‌ی قووڵتروو وردتر رۆبچینه‌نێوهۆكاره‌كانی هه‌بوونی ئه‌م دیاردانه‌وه‌ باشتروایه‌ هه‌ریه‌ك له‌م دیاردانه‌ به‌جیاواز له‌وانی دیكه‌ بخرێنه‌به‌ر دیدو لێكدانه‌وه‌.
یه‌كه‌م براكوژی:ئه‌م فه‌رهه‌نگه‌له‌ مێژووی كۆن ونوێدا بوونی كاریگه‌ری هه‌بووه‌وپاشماوه‌ی خراپ وسه‌لبی به‌جێهێشتووه‌,مێژووی تازه‌ی شۆرشه‌كانی كورد له‌پارچه‌كانی كوردستان به‌تایبه‌تی كوردستانی باشوور شایه‌تحاڵی گه‌وره‌ی ئه‌م دیارده‌یه‌ن,ته‌نانه‌ت له‌ریزی خواره‌وه‌ی كۆمه‌ڵگه‌شدائه‌م دیارده‌یه‌ بوونی هه‌بووه‌وهه‌یه‌,رۆژانه‌ كووشتنی برا له‌لایه‌ن براكه‌یه‌وه‌له‌سه‌رچه‌ندمه‌ترێك زه‌وی,كوشتنی ئامۆزاوخاڵۆزا….هتد  له‌سه‌ربه‌شه‌میرات وكچ به‌شوودان ,مێژوویكۆن ونوێیكۆمه‌ڵگه‌یجووتیاری كوردپێمان ده‌ڵێت:چه‌ندین كاره‌ساتی خوێن ڕشتن له‌سه‌ربستێك زه‌وی ته‌نانه‌ت له‌سه‌رمریشك وسه‌گ ئه‌خلاقی مرۆیی زۆربه‌مانی ووروژاندووه‌,پێویسته‌كوردئه‌م دیارده‌یه‌بخاته‌ژێر میكرۆسكۆبی لێكۆلینه‌وه‌یه‌كی وورده‌وه‌,چونكه‌به‌له‌ناوبردن وله‌باربردنی ئه‌م فه‌رهه‌نگه‌كاراكته‌ری مرۆڤی كوردبه‌رزترهه‌ڵده‌كشێ‌ وبڕواوئینتیمای زیاتری له‌لادادروست ده‌كات ,چونكه‌به‌شێكی گه‌وره‌ی ئه‌م نائومێدی وڕه‌شبینییه‌ی تاكی كوردله‌م فه‌رهه‌نگه‌وه‌سه‌رچاوه‌ی گرتووه‌.
دووه‌م:جاشایه‌تی وخیانه‌ت,ئه‌م كلتووره‌مێژوویه‌كی دێرینی له‌نێوكۆمه‌ڵگه‌ی كودیداهه‌بووه‌ وهه‌یه‌,پێویسته‌ئێمه‌له‌هۆكاره‌كانی ووردببینه‌وه‌,ئایائه‌م میلله‌ته‌زووفریوده‌درێ‌ وهه‌ڵده‌خه‌ڵه‌تێنرێت؟ئایاباروودۆخی ناله‌باری كوردستان فاكته‌رێكی گه‌وره‌بووه‌بۆئه‌وه‌ی هه‌میشه‌وله‌هه‌رسه‌رده‌م وقۆناغێكی جیاوازداكوردبه‌لێشاوجاشی تیادادروست بێت؟ئه‌گه‌رئه‌م هه‌مووهۆكارانه‌به‌جێبهێڵین ویه‌ك هۆكاری سه‌ره‌كی وه‌ربگرین كه‌له‌ئێستاوله‌م سه‌رده‌مه‌داكوردله‌هه‌مووقۆناغه‌كانی پێشووتری باشتروو گونجاوتره‌ ئه‌ی بۆچی لێره‌وله‌وێ‌ ده‌بیستین فڵانه‌حیزب وفڵانه‌عه‌شیره‌ت كۆبوونه‌وه‌وكۆنگره‌یان له‌گه‌ڵ ده‌سه‌ڵاتێكی غه‌یره‌كوردابه‌ستووه‌!؟یان حیزبێك له‌پێناوبه‌رژه‌وه‌ندیتایبه‌تی حیزبه‌كه‌یدا به‌رژه‌وه‌ندی میلله‌ته‌كه‌ی وه‌لاناوه‌وئاماده‌شه‌بۆپاراستنی ئه‌وبه‌رژه‌وه‌ندیه‌ده‌ست له‌گه‌ڵ هه‌مووهێزێكدا تێكه‌ل بكات,یان حیزبێك كاتێك ده‌یه‌وێ‌ كارێكی باش كه‌به‌رژه‌وه‌ندی گشتی تێدایه‌ ئه‌نجام بدات له‌لایه‌ن حیزبێكی دیكه‌وه‌ كێشه‌ی بۆدروست ده‌كرێت وگرفت وئاسته‌نگ ده‌خرێته‌ به‌رده‌میه‌وه‌بۆئه‌وه‌ی ئه‌وسه‌روه‌ری وچاكه‌كارییه‌نه‌بێته‌موڵكی ئه‌وحیزبه‌!له‌مێژووی نوێدابه‌خوێندنه‌وه‌یه‌كی ووردئه‌وه‌ ده‌رده‌كه‌وێت كه‌خوودی كوردووده‌سه‌ڵاته‌كه‌ی فاكته‌ری سه‌ره‌كین بۆبره‌ودان وگه‌شه‌كردنی ئه‌م كلتووره‌,ئه‌گه‌رنموونه‌یه‌كی ساده‌وساكاری ئه‌م رۆژگاره‌ بهێنینه‌به‌رچاوله‌نه‌بوونی عه‌داله‌تی كۆمه‌ڵایه‌تی و بزربوونی حه‌قخوازی له‌سستمی به‌رێوه‌بردنی كوردستاندابۆمان روونده‌بێته‌وه‌كه‌ئه‌م كلتووره‌له‌هه‌ناوی په‌یوه‌ندییه‌كۆمه‌ڵایه‌تییه‌كانی كورده‌وه‌سه‌رچاوه‌ده‌گرێ‌ وهه‌ڵده‌قووڵێت,نموونه‌ی زۆر روونمان له‌به‌رچاووله‌یاده‌كه‌له‌رووی سایكلۆژییه‌وه‌پاڵنه‌رن بۆ هاتنه‌كایه‌ی كلتووری خۆبه‌كه‌م زان وپاشكۆبوون,بۆنموونه‌ به‌شێكی زۆری كۆمه‌ڵگه‌له‌هه‌مووجۆره‌دامه‌زراندنێك بێبه‌شكراون,كه‌چی له‌به‌رانبه‌رئه‌مه‌دابه‌لێشاوله‌خه‌ڵكی ناپسپۆرووبێ‌ شه‌هاده‌له‌شوێنی هه‌ستیاردا دامه‌زرێنراون,ده‌یان وسه‌دان نموونه‌ی خه‌ڵكی نه‌خوێنده‌وارمان له‌به‌رده‌ستایه‌كه‌پله‌ی باڵایان پێدراوه‌له‌سوپاوپۆلیس وفه‌رمانگه‌كاندا!!له‌م هه‌رێمه‌ی ئێمه‌داخانه‌واده‌ی واهه‌یه‌سێ‌ كه‌سیان ده‌رچووی كۆلێژن كه‌چی تائێستاكه‌سیان دانه‌مه‌زراون!؟
ئه‌م نایه‌كسانی وناعه‌داله‌تییه‌هانده‌رێكی سایكلۆژین بۆئه‌وه‌ی هه‌میشه‌خه‌ڵكانێك هه‌بن ئینتماو وه‌لایان بۆكۆمه‌لگه‌و كه‌لتووری خۆیان نه‌مێنی,به‌ویست وئاره‌زووی خۆیان بچنه‌ده‌ره‌وه‌ی ئه‌وكلتووره‌وه‌, تاوه‌كوئه‌وره‌وشی ناعه‌داله‌تییه‌ش به‌رده‌وام بێت ئه‌وازیاترهه‌ست به‌ مردنی ئینتیما ده‌كرێت له‌م هه‌رێمه‌داو دیارده‌كه‌ش ده‌بێته‌ دیارده‌یه‌كی قبووڵكراو!!
سێیه‌م :دیارده‌ی گۆرینی نه‌ژادوومه‌زهه‌ب ,به‌درێژایی مێژوو به‌شێك له‌كوردبوونه‌ته‌ تورك هه‌ندێك به‌عه‌ره‌ب وهه‌ندێكی تربه‌فارس,ئه‌وانه‌ی بوونه‌ته‌ ئه‌وئه‌تنییه‌جیاوازانه‌ته‌نانه‌ت ئێستاكه‌خۆیان ونه‌وه‌كانیان به‌زمانی ئه‌وان قسه‌ ده‌كه‌ن ,مه‌زهه‌بی ئاینییان له‌مه‌زهه‌بێكه‌وه‌گۆڕاوه‌ته‌ مه‌زهه‌بێكی دیكه‌.
له‌شكاكه‌كانی ره‌زاییه‌وه‌ بیگره‌ تاشاری كه‌ركوك پڕن له‌م جۆره‌ دیاردانه‌ ,له‌م رووه‌وه‌ په‌یوه‌ندییه‌ كۆمه‌ڵایه‌تییه‌كانی كورد خۆی پاڵنه‌ربووه‌بۆنه‌شوونماكردنی ئه‌م دیارده‌یه‌ ,ئه‌م كلتووره‌ به‌به‌رده‌وام ئیشی له‌سه‌رئه‌وه‌كردوه‌كه‌ تاكی كوردفڕێبداته‌ ده‌ره‌وه‌ی خۆی .
ده‌رئه‌نجام:سه‌ره‌ڕای قێزه‌ونی ئه‌م دیاردانه‌وسه‌ره‌ڕای ئه‌وه‌ی ئه‌م دیاردانه‌مایه‌ی سه‌رزه‌نشت وگله‌یی و گازنده‌یی زۆرن وپه‌ڵه‌ی ڕه‌شن به‌مێژووی كورده‌وه‌,لێ‌ زۆرجاربیانوو وپاكانه‌ی مه‌نتیقی ودروستیان تیادابه‌دی ده‌كرێ‌ به‌وه‌ی بێ‌ هۆ نه‌بووه‌كه‌كوردستان دابه‌شكراوه‌ته‌ سه‌رچوار ووڵات وخۆیشی تاحاڵی حاز ربێ‌ كییانه‌ ,مرۆڤیش ئازاده‌له‌وه‌ی كه‌هه‌ست بكات كلتوورێك كه‌پڕه‌ له‌ دڵره‌قی وسته‌مكاری به‌جێیبهێلێ‌ وكلتوورێكی دیكه‌ هه‌ڵبژێرێت وژیان له‌چوارچێوه‌ی ئه‌و كلتووره‌دا به‌سه‌ر ببات .!!؟

    بورهان ئه‌حمه‌د |كه‌ركوك
Burhanahmad57@yahoo.com

Previous
Next
This site is registered on wpml.org as a development site.