سه‌رده‌سته‌کان …. ماریۆ بارگاس یۆسا
Closed
کتێبی سه‌رده‌سته‌کان، پێکهاتووه له کۆمه‌ڵێک چیرۆکی ماریۆ بارگاس یۆسا، له ژێر چاپدایه‌و به‌م زووانه ده‌که‌وێته بازاره‌وه.
وه‌رگێر سه‌باره‌ت به یۆسا ده‌ڵێت ( ماریۆ بارگاس یۆسام له رۆمانی (شار و سه‌گه‌ل)ه وه ناسی. دواتر كتێبی (دوازده نامه بۆ رۆماننووسێكی لاو)م خوێنده‌وه كه هاوڕێم (شیرین. ك) ف وه‌ریگێڕا و پاشانیش كتێبی واقعییه‌تی نووسه‌ر كه هاوڕیم (دڵشاد خۆشناو) وه‌ریگێڕا. ئه‌م سه‌ره‌تایه وایكرد دوای كاره‌كانی یۆسا بكه‌وم و ئه‌وه‌بووه دواتر چه‌ند رۆمانێك و هه‌ندێك دیدار و دوو كتێبی تری یۆسام خوێنده‌وه (بۆچی ئه‌ده‌بیات) و (رابواردنی به‌رده‌وام) یه‌كه‌میان سێ وتاره له‌سه‌ر ئه‌ده‌بیات و دووه‌میشیان لێكۆڵینه‌وه‌یه‌كی دوور و درێژه له‌سه‌ر رۆمانی (مادام بۆڤاری) گۆستاڤ فلۆبێر. به بڕوای من هه‌موو مێژووی ئه‌ده‌بیاتی كوردی لێكۆڵینه‌وه‌یه‌كی ئاوا جوان و به پێزی تێدانییه. خوێندنه‌وه‌ی كاره‌كانی یۆسا چێژێكی زۆر ده‌داته خوێنه‌ر و ئه‌مه‌یش وایكرد ئه‌و هه‌سته‌م لا دروست بكات ته‌نیا هه‌ر من چێژ له‌م كارانه وه‌رنه‌گرم و ئه‌وه‌نده‌ی بۆم بكرێت خوێنه‌ری كوردیش به‌شدار بكه‌م له‌م چێژه‌دا، بۆیه به ته‌واوی خاكه‌ڕایی خۆمه‌وه هه‌وڵمداوه هه‌ندێك وتار و دیداری یۆسا و ئه‌م كۆمه‌ڵه چیرۆكه‌ی بكه‌مه كوردی و گه‌ر بۆمبكرێت له داهاتووشدا كاری زیاتر له‌سه‌ر یۆسا بكه‌م. لێره‌دا من نامه‌وێ باسی چیرۆكه‌كان و دنیای نووسینی ماریۆ بارگاس یۆسا بكه‌م، بۆیه ئه‌وه جێده‌هێڵم بۆ تۆی خوێنه‌ر تا خۆت دوای جیهانبینی یۆسا بكه‌ویت و چێژی لێوه‌ربگریت).
