Skip to Content

Sunday, April 21st, 2024
ته‌رمه‌ بیر … هێمن ئه‌مانی

ته‌رمه‌ بیر … هێمن ئه‌مانی

Closed
by March 10, 2012 ئەدەب

 

لێزمه‌ بارانی
پاییزانه‌ی خه‌م
له‌ یۆنانی په‌ژاره‌دا
حه‌ساری چاوی چاوه‌ڕوانم
ده‌شواته‌وه‌.

پۆستاڵی پیێ زه‌مه‌نی ئه‌لیاده‌ بوو
بیری پیشاوی پاکستانم
پێشێل ده‌کات.

که‌ژاوه‌ی
خه‌ونه‌ شێعری دڵ بوو
لاشه‌ی حه‌زی پڕ له‌ تاسه‌
بۆ بینینی بێچوه‌ مه‌لی
گه‌رمه‌ سێری ئه‌فغانستان
له‌ کۆچێکی هه‌تایی دا
به‌ره‌و خه‌زان
بۆ ناو چنگی ئه‌ڤه‌رێستۆ
ڕاده‌کێشێ.

ئێواره‌ بوو
سێبه‌ری تارمایی یۆنان
به‌ سه‌دان په‌ره‌سێلکه‌ی خۆرهه‌ڵاتی
له‌ داوێکدا
کرده‌ نێچیری داڵی برسی
بۆ به‌ده‌ست گرتنه‌وه‌ی
ئاسمانی ته‌ختی پاشایی.

بۆ زیندو کردنه‌وه‌ی
ته‌رمه‌ مه‌یتی
ئه‌فلاتونه‌کان و
ئه‌لکساندرۆ.

جه‌سته‌ی که‌وی باشوریان (ئافریقا)
کرده‌ پردی هه‌ستانه‌وه‌
کرده‌ به‌نداوی لێشاوی داڕمان،
به‌گۆپاڵی فاشیزمی ئێلێن
خوێنی جیهانی سێیه‌میان
کرده‌ شه‌ڕابی شه‌وی
سه‌رخۆشانی سه‌رده‌م.

–    ئه‌لیاده‌: یۆنان
–    ئه‌ڤه‌رێستۆ: زیندان
–    ئێلێن: شاژنی ئه‌لکساندرۆ

                                             
                        زیندانی تاخیرۆ (۸/۱۰/۲۰۱

Previous
Next
This site is registered on wpml.org as a development site.