Skip to Content

Wednesday, June 19th, 2024
ده‌بم به‌ پاقله‌ فرۆش… ئیبراهیم هه‌ورامانی

ده‌بم به‌ پاقله‌ فرۆش… ئیبراهیم هه‌ورامانی

Closed
by September 5, 2013 هۆنراوە

 

 

 

 

5ی ئه‌یلولی 2013

سلیمانی 

دره‌نگانیَكی شه‌وو

په‌ره‌ …په‌ره‌ی شیعره‌كانم ،

كۆده‌كه‌مه‌وه‌ .

سبه‌ی زوو ،

له‌ته‌ك عه‌ره‌بانه‌یه‌ك دا 

ده‌چمه‌ بازار .

نایه‌مه‌وه‌ ،له‌وێ‌ ،

ده‌بمه‌ پاقله‌ فرۆش .

بیرت نه‌چی؟

پاقله‌ فرۆش ….

*****

ئیواران ،به‌زه‌رفی 

پاقله‌وه‌ …

ده‌چمه‌ فه‌رمانبه‌را ن .

تا خودا پی ی ناخۆش بێ‌ !

عاره‌ق …عاره‌قی تاڵ 

ده‌خۆمه‌وه‌ .

به‌ده‌م مه‌ست بوونمه‌وه‌ 

چاو ده‌برمه‌ چاوی ساقی 

تا خودا پی ی ناخۆش بیت 

ئاره‌ق ده‌خۆمه‌وه‌ .

***

نیوه‌ی شه‌وان 

به‌رۆحیكی مه‌سته‌وه‌ 

حیكایه‌تی ئه‌م ژیانه‌ 

سه‌خیف بووه‌ .

بۆ گلۆبی سه‌رجاده‌كان ….

بۆ پیاوانی ژینكه‌ پاریز …….

بۆ شه‌قامه‌ چۆله‌كان …..

ده‌گیرمه‌وه‌ .

بیئه‌وه‌ی چاوه‌ری ی كه‌سیك بم 

كه‌سیك چاوه‌ریم بكات .

هه‌نگاوه‌ شه‌كه‌ته‌كانم 

ده‌ژمیرم .

یه‌ك ….دوو ….سێ‌ …

سه‌د …هه‌زار 

تا له‌په‌نای دوكانیكی 

عه‌تر فرۆش دا 

خه‌وو ده‌مباته‌وه‌ .

*****

سبه‌ی زوو 

كه‌لعاده‌ 

ده‌بمه‌‌وه‌ به‌ پاقله‌ فرۆشه‌كه‌ی جاران .

    *****

 

ده‌مه‌و عه‌سره‌ 

چی په‌ره‌ی شیعری 

لووله‌ كراو هه‌یه‌ 

كۆده‌كه‌مه‌وه‌ .

نه‌ك خوا كرده‌ 

باره‌شه‌یه‌ هه‌ڵیان مالێ و 

بگه‌نه‌ لای  مالی ئیوه‌ .

هه‌ست بكه‌یت 

من چه‌نده‌ كوناه و 

تۆ چه‌نده‌ گوناه بار

Previous
Next
This site is registered on wpml.org as a development site.