Skip to Content

Friday, June 21st, 2024
کۆکتێل …   فەتاح حەسەن

کۆکتێل … فەتاح حەسەن

Closed
by October 3, 2013 هۆنراوە

 

 

 

 

 

لە دیواری زیندانی ( ئەبوغرێب) ەوە :-

بمخەنە کورە و دوژمن بمدا جۆش

ئەوجا، کوردستان 

ناکەم فەرامۆش.

***

 لەدەمی زیندانییەکی، قەسابخانەی( موسڵ) ەوە :-

تۆ بڕوانە

بەپەتی سێدارە رازییە

گەر، ملی بە پەت را نەگا

ئامادەیە

بەسەر پشتی، جەلادێکدا

بڵندی کەن.

بەو مەرجەی کە 

گۆرانی لێ یاساغ نەکەن.

چەند ئاسودەن، مرۆڤەکان

کە بەدەم، گۆرانییەوە دەمرن.

***

 

نوسراوی سەر، قۆناغی بڕنەوێك :-

 نەفرەت لەوەی لە شەڕی براکوژیدا، تەقەم پێدەکات                   

باخەوان، خەون

بە بەرهەمی

باخەکەیەوە دەبینێ

تینو، بە ئاو

دیل

بە ئازاد بوونی، لە زیندان

تۆی، پێشمەرگە

بە رزگاربوونی کوردستان.

***

کۆکتێل

لە وڵاتە مۆمیاکاندا

موبێلەیەك .. قاپێك ویسکی

گرانترە، لە بەنرخترین ( مایە )*

کە مرۆڤە

لەودەمەدا، کرێکاران،

بەرەو مەیدان خۆ کێش دەکەن

مەزراو کێڵگە،

چاوەڕوانی، جوتیار دەکەن.

رەنجبەرەکان،

خوێن، و ویسکی، تێکەڵ دەکەن.

 

 

 

  مایە/ کورتکراوەی ( سەرمایە ) یە  

  فەتاح حەسەن       

دانیمارك/ ڤالبی                     

 

Previous
Next
This site is registered on wpml.org as a development site.