تاریكییه‌ك به‌رله ره‌شبوون … فاتیح سه‌لام
Closed
سه‌رت ناوه به سنگی شه‌وێكی دووری
ونبوونی ره‌نگه‌كانه‌وه و
مه‌لولیه‌ت په‌لكێشت ده‌كات
دوكه‌ڵێك ده‌تنووسێته‌وه
په‌نهانییه‌ك ده‌تبا بۆ خۆی
پێت ده‌ڵێت :
له هاتنته‌وه تا ( هاتن ) له جێ نزگه‌ی سووتانی
له خۆتدا جێم بكه‌ره‌وه , تا له خۆڵه‌مێش و سوتووی
به‌رله مه‌رگتا برژێمه ( با )
ده‌ستی كه‌شێ ره‌شتاڵه‌ی به هه‌نسك بگرم
به تیشك بڵێم سووڕی هه‌تاوێ راگره
به بارانی به پرووشه‌ی هه‌ڵشاخی هه‌وریش بڵێم
وه‌ك كپی ره‌ش , شێت بوونی خۆم له دوای گوناه
زمانێ نوێ , بۆ به‌رتاوی لێزمه‌ی ته‌ربوون بدۆزمه‌وه
بۆ واری چۆڵی رسته‌یه‌ك
پیته‌كانی زۆر له مێژه
به‌فر گه‌مه‌ی له گه‌ڵ ناكا و
كز ده‌سووتێ له پێده‌شتی بناره‌كه‌ی كڵۆڵیدا
ئه‌و ئاگره
11/10/ 2013
