Skip to Content

Friday, June 21st, 2024
چوومه‌وه‌ پایز … جەلال بەرزنجی

چوومه‌وه‌ پایز … جەلال بەرزنجی

Closed
by November 17, 2013 ئەدەب

 

 

 

ئه‌وه‌ شه‌ش رۆژه‌ ماڵم هێناوته‌وه‌ پایز.

له‌وكاته‌وه‌,

شه‌وان به‌ دڵنیایی ده‌خه‌وم.

به‌یانیانیش زوو هه‌ڵده‌ستم.

له‌ پایزم,

تا له‌ نزیكه‌وه‌ نا ئومێدی دره‌خت بنووسمه‌وه‌.

بۆ ئه‌وه‌ هاتوومه‌ته‌وه‌ پایز,

تا راهێنان له‌ سه‌ر گێڕانه‌وه‌ی سه‌روه‌ری بكه‌م بۆ وشه‌.

له‌ پایزم, بۆ داكۆكی كردن له‌ ژیانم.

له‌ پایزم, بۆ قوڵكردنه‌وه‌ی رامانم.

له‌ پایزم, بۆ كه‌مكردنه‌وه‌ی گۆشه‌گیری په‌نجه‌ره‌ بڵند و ته‌نیاكان.

 له‌ پایزم, تا به‌یانیان شۆڕده‌بمه‌وه‌ ناو باخچه‌ی وشه‌كانم

تا بزانم به‌ری میوه‌ی ئه‌و خه‌یاڵانه‌ی پارچاندبوومن پیًگه‌یوون.

له‌ پایزم, بۆئه‌وی ئه‌مساڵیش له‌ گه‌ڵ خۆم ئاشت ببمه‌وه‌.                    

Previous
Next
This site is registered on wpml.org as a development site.