عه‌شقێكی زامدار … ستار ئه‌حمه‌د

دڵی من وێنه كه ی تۆیه‌

سوور سوور له‌ وشه‌ی شكاوو

له‌ئه‌درێسی بێ‌خاوه‌نا

جمه‌ی دێ‌ له‌ ته‌رم و تابووت

شیعرم عه‌شقێكی زامداره‌

ده‌روونم تابلۆی شۆخێكه‌

ره‌شه‌ وه‌كوو قه‌ره‌برووت

ئه‌م ره‌نگانه‌

ئه‌م هه‌ناسه‌ی 

گوڵی سوورو 

زه‌ردو سیا

خوێن ده‌چێنن 

له‌نێو كابووسی خه‌یاڵ و

له‌گه‌رووی شارێكی شه‌ما 

وه‌كوو وه‌لی 

دڵم ده‌كه‌ن به‌نیشانه‌

بۆ وه‌رزی عه‌شق 

بۆ نه‌گبه‌تی خاكه‌سارێك 

شۆڕه‌ خه‌ونی نیشتمانه‌