قوتابخانە.ئایندە … نوسینی.ئاسان نەوزاد(وەرزش)
وەرزش کارێکی جوانە
تەندروستی لەشمانە
هەوڵ و خەباتە و کۆشش،
ڕەوشتى بەرزە وەرزش
چوست و چالاک و پتەو
زۆر زوو هەڵئەسین لە خەو
بە مەدالیاى زێڕ و زیو
یارى لەم دیو و لەو دیو
ئەبین بە پلەى یەکەم
لەسەر ئاستى شارەکەم
ئاڵا بەرز ئەکەینەوە
جامەکە ئەبەینەوە
پێمان ئەڵێن پاڵەوان
لە ئاست هەرێم و جیهان
ئەبین بە هێما و سیمبوڵ
ئەڕۆینە ناو ڕۆح و دڵ
دە با هەموو وەرزش بکەین
ئاسۆى ووڵاتمان گەش کەین