Skip to Content

Sunday, September 24th, 2023
دێمه‌وه‌ لات…..کوێستان عومه‌ر زاده‌

دێمه‌وه‌ لات…..کوێستان عومه‌ر زاده‌

Closed
by January 16, 2009 ئەدەب

 دێمه‌وه‌ لات
 کوێستان عومه‌ر زاده‌

 له‌گه‌ڵ هاتنی سپێده‌دا
 خوناوی سه‌ر گه‌ڵای ڕوحت
 به‌ خه‌یاڵی به‌یانی ده‌سپێرم
 ده‌سته کانم
 به‌ ئه‌لقه‌ ڕێزی ده‌رگای دڵته‌وه‌
 جێ دێڵم
 
 دێمه‌وه‌ لات
 لێواو ڕێژت ده‌که‌م
 له‌ سۆزی  په‌نجه‌کانم
 دڵت تێر ده‌که‌م له‌ هه‌ناسه‌ی
 با
 له‌کۆلانه‌ تینوه‌کانی
  عیشقا
 خۆمت پێ ده‌به‌خشم
 وه‌ره‌ هاتوم  بت گێر مه‌وه‌
 ئه‌وینده‌ری
 ئاوێزانی خۆمت که‌م
 
 
 
 
 دێمه‌وه‌لات
 له‌وێ
 له‌ نێو ڕوحی روباردا
 کچینیم جێ دێڵم
 بۆ دڵی ئه‌و ماسیانه‌ی
 هێشتا به‌نیگای کوڕێکی پڕ له‌
 خه‌یاڵه‌وه‌ ،   ده‌م گرنه‌ خۆ
 
 
 دیمه‌وه‌ لات
  تۆ ، تۆ لێ گه‌ڕێ
 بارانی شپرزه‌،
 با
 من کاڵ کاڵ
 له‌ئامیزی پایزی باڵاتدا
 دڵم له‌گه‌ڵ ئه‌ودا
 بهۆنمه‌وه‌
 با چاوم ببڕمه‌ نیگای
 له‌نێو پارچه‌کانی ئاوێنه‌ی
 دڵما
 به‌سیله‌ی روح
 بیدۆزمه‌وه‌
  دێمه‌وه‌ لات
  بۆ هه‌میشه‌ له‌سۆزی
 شێعرا  هه‌ڵت ده‌گرم                              

   
 ‌
 
  
 
 

Previous
Next
This site is registered on wpml.org as a development site.