Skip to Content

Wednesday, May 29th, 2024
هه‌ڵه‌‌بجه‌ی باره‌سێو….ناسر تۆفیق

هه‌ڵه‌‌بجه‌ی باره‌سێو….ناسر تۆفیق

Closed
by March 11, 2009 هۆنراوە

       هه‌ڵه‌‌بجه‌ی باره‌سێو  

           ناسر تۆفیق

                  

  ئه‌ڵمانیا..  12.03.2009

کوڕگه‌ل بێنۆ

                                        
بۆ شه‌کره‌سێو
کوڕگه‌ل بێنۆ بۆ مزره‌ سێو
من سێوی شاری سێوانم ،     
من( ده‌رمانی حه‌وت ده‌ردانم) ..
دایکه‌ سێوم
ناسکه‌سێوی  مۆردانه‌یه  ،‌‌
باوه‌لێشم ‌
باره‌ سێوی   زه‌ردو سووری
باخه‌ ئه‌نفالێکی گه‌رمیانه .!‌
چاوه‌کانم له‌باخی میر
هه‌ڵهێناوه..
کوڵمه‌کانم
ره‌نگی سووری شه‌هیدێکه..‌‌
من سێوه‌گوڵی  قدپاڵه‌کانی
عه‌واوه‌یلێ و عه‌نه‌و و سازانم  .!
هۆ خه‌لکینه‌ !
من له‌(گرێعاته‌وه‌)* نه‌هاتووم
تاگه‌روی ساواکانتان بتاسێنم..
من له‌ قه‌ڵاکانی عروبه‌وه‌ نه‌هاتووم
تاخۆم بکه‌مه‌
په‌یکه‌رێکی قیزه‌ونی ده‌روازه‌ی شار..
من  سێوه‌ گوڵوه‌ده‌می
به‌رکانیله‌ی هه‌ورامانم..
ئه‌وه‌ من  نه‌وم  هه‌ناسه‌ی
به‌رماڵێکم بڕی و
فریای دوا وشه‌کانی ئه‌لته‌حیات نه‌که‌وت.!
ئه‌وه‌ بۆی من نه‌وو 
چاوه‌کانی( که‌ژاڵی )‌
کرده‌ وێنه‌یه‌کی فۆتۆگراف و
ناوه‌که‌شی کرده‌ گواره‌و بازنی کێلێ..
 
چه‌ندین ساڵه‌
باوه‌کۆچه‌کی براله‌م
ده‌س وه‌سه‌رمادێنێ و
پرچه‌کانم شانه‌ ده‌کاو
ده‌موا بۆ دیوه‌خانه‌که‌ی
ئه‌حمه‌د موختار و
ده‌مخاته‌ شیعرێکی( هه‌ژار) ه‌وه‌ و
له‌ ره‌سمخانه‌که‌ی کاکه‌ عومه‌را
ماره‌م له‌چواچێوه‌یێ ده‌کا..

ئه‌و خۆی سێو بوو
خۆی شه‌کره‌ سێو بوو،!
که‌چی له‌ئێواره‌ی شانزه‌ی سێدا
بۆنێ زۆڵه‌  سێوێکی غه‌واره‌ کوشتی.. !

کورگه‌ل بێنۆ
بۆ شه‌کره‌ سێو
بۆ مزره‌ سێوی باخی میر.!
پووڵی فرۆختم کۆده‌که‌م و 
بۆ کۆرپه‌له‌  بێنازه‌کان
ده‌یده‌م وه‌شیر ..
       
ده‌یده‌م وه‌ نان
بۆکه‌نیشکێکی
بێشیوی ئێواران ی
لای حه‌مه‌وخان..
ئه‌و کیژۆڵه‌ی
که‌ رووناکی چاوه‌کانی
له‌ ئێواره‌ی شانزه‌ی سێدا
به‌خشی به‌ هه‌ڵه‌بجه‌ی نیشتمان..

ده‌یده‌م وه‌گوڵ
بۆ سه‌ر قه‌وری شاره‌زووری و
وه‌ستا ئه‌نوه‌ر ،‌
بۆ زاڕۆڵه‌ شه‌هیدێکی مه‌کته‌ولی
ده‌یکه‌مه‌ په‌یکه‌ر.

ده‌یده‌م وه‌کراس ده‌یده‌م وه‌جل
بۆ  ئه‌و میمکه‌ی
له‌باتی نان..!
برسیه‌تی ده‌کابه‌پاروو  و
منه‌تی گه‌نده‌ڵێکی
پێیسته‌مه‌ بیخاته‌ بری
هه‌ڵه‌بجه‌ی  ژان .
nassertofiq@hotmail.com

     
(*)گرێعات/ باخه‌کانی (عوده‌ی)
              له‌باکووری به‌غدا                  
                                                                                                                 

Previous
Next
This site is registered on wpml.org as a development site.