Skip to Content

Thursday, May 23rd, 2024
هشیاری ده‌ڤێ‌َ خه‌لكی بن..! ……عبدالرحمن بامه‌رنی

هشیاری ده‌ڤێ‌َ خه‌لكی بن..! ……عبدالرحمن بامه‌رنی

Closed
by June 23, 2009 گشتی

هشیاری ده‌ڤێ‌َ خه‌لكی بن..!
عبدالرحمن بامه‌رنی
bamerni77@yahoo.com

 

ژیێ‌ من ژ سیهێ‌ بوری و هێَژ چیرا خه‌لكی ژ سه‌رێ‌ من نه‌ هاتیه‌ ده‌ر، دڤێت خارنا من وه‌ك یا وان بیت، برێَڤه‌ چونا من، لبه‌ركرنا من، تێَكه‌لی، كه‌نی و گریا من و تا حه‌زكرنا من بو ره‌گه‌زێ‌َ دژی دڤێَت لدویڤ پیڤه‌رێ‌ خه‌لكی بیت. هه‌می ژی یێن فێری دوو سه‌ركیێ‌ بوین، لده‌ف ته‌ ده‌ڤه‌كن و ل پشت ته‌ ده‌ڤه‌كێ‌ دی و دڤێت وه‌ك هه‌میان سویند بخوی و هه‌چیێ‌ بێَهنژی بێَژیێ‌َ تێر بژی و هه‌چیێ‌ بو زاڤا بچیه‌ سه‌رێ‌ وی و هه‌ر ژنكا دوو گیانا زكێ‌ خوه‌ دان بچیه‌ به‌ر پێچكا وێ‌ و هه‌ر تشتێ‌َ ژ ڤانا ته‌ خوه‌ ژێ‌َ دا پاش، تو كه‌تیه‌ به‌ر ده‌ڤێ‌َ خه‌لكی.
سه‌رهلدان هات و چاڤێن مه‌ ل دنیایێ‌ ڤه‌كرن، سه‌ته‌لایت ده‌ركه‌تن و هه‌چیێ‌َ سێلكه‌ك بریه‌ سه‌ربانێ‌ خوه‌، دچاڤێن خه‌لكی دا نزم كه‌ت و خه‌لكی بچاڤێ‌ (خه‌لیعه‌ت) به‌رێ‌ خوه‌ ددانێ‌ و ده‌وله‌ت سه‌رێ‌َ قه‌ناتێ‌ (ئیقره‌ئێ‌ ئیسلامی)، سه‌ربانێن هه‌میان تژی سێَلك بون و ژ نیڤا شه‌ڤ ژی هه‌میا ستێركا خوه‌ ل (قه‌مه‌را هوت بورد) دگرتن و هه‌ر گاڤا ته‌ ئاخفت ژی، تو كه‌تیه‌ به‌ر ده‌ڤێ‌َ خه‌لكی.
 ژبه‌ر خه‌لكی هه‌می وه‌كی ئێَكن، هه‌می بگرانیا سویكێ‌َ دزانن، هه‌می وه‌ك ئێَك عه‌ده‌تا دگرن و هه‌می وه‌ك ئێَك خو ڤه‌دهێلن و باشیێَن هه‌میا ئێك پیڤه‌رن و خه‌له‌تیێن هه‌میان ژی دبێ‌َ گونه‌هن و كه‌سێ‌َ گازنده‌ و ره‌خنه‌ نینن، كه‌س ژی یێ‌ به‌رهه‌ڤ نینه‌ خو ل كوسته‌رێن نه‌فه‌ران بگریت و ل تویوت ره‌فان سیار بیت. كه‌سێ‌َ هزر و ئایدلوژیه‌تێَن چێكری نینن و ب كورتی هه‌می چاڤلێكه‌رن و هه‌میا دڤێت ترومبێل هه‌بن و كه‌شخه‌چی بن، دڤێَت سالێ‌َ دوو تا سێ‌َ ده‌ستكێَن موبایلا بگوهرن و هه‌می ژی نویخازن. هه‌ر گوتنا ته‌ ل سه‌ر وان گوت ژی، یا ته‌ ژ بنی چوو و تو كه‌تیه‌ ناڤ ده‌ڤێ‌ خه‌لكی.
هه‌میا په‌یره‌وكرنا یاسایێ‌ دڤێت و هه‌می ژی په‌نایێ‌ بو واسته‌ و واسته‌كاریێ‌ دبه‌ن، مامه‌لێن وان بێ‌ گیروبون پرێڤه‌ بچن. هه‌می ژی ئه‌و تشتێ‌ دچاڤێن خه‌لكی دا شه‌رم ل نیڤا مالێن خوه‌ دكه‌نالێن عه‌سمانی و ئه‌نترنێت و زنجیره‌یێن (موده‌بله‌ج) دا دبینن و خوزیا بو رادهێلن، هه‌ر گاڤا ده‌ركه‌تنه‌ به‌ر ده‌روكێ‌ خانی ژی عه‌بایێ‌ خه‌لیجی لسه‌ر سه‌رێ‌ وانه‌ و ئه‌ڤه‌ هه‌می ژی ژ ترسێن خه‌لكی.

Previous
Next
This site is registered on wpml.org as a development site.